नमस्ते सहकारीसे खाजा बनैना तालिम
पहुरा समाचारदाता
धनगढी, ३० जेठ । समूह सदस्यहुकनके व्यवसायी, उद्यमी बनाइक नमस्ते बचत तथा ऋण सहकारी सस्था लिमिटेडसे पाँच दिने खाजा बनैना तालिमके सुरु करले बा ।
संस्थाके उपाध्यक्ष रोहितकुमार चौधरीके उपाध्यक्ष रोहितकुमार चौधरीके वडका पहुनामे हुइल तालिम उदघाटन कार्यक्रममे उहाँ खाजा बनैना तालिम डेके महिलाहुकनके उद्यमी व्यवसायी बनैना उद्देश्य लेहल बटैलै ।
उहाँ कहली, छोट लगानीफे खाजा नास्ता व्यवसाय करे सेक्ठ । यहाँ खाजा नास्ताके मजा सम्भावना रहल बा । व्यवसायिक रुपमे आघे बह्रलेसे आयस्रोतमे वृद्धि करे सेक्जाई । सहकारीमार्फत यिहीसे पहिले तालिम लेहुइया व्यवसायिक रुपमे आघे बह्रे नइसेकल ओरसे यी तालिम लेके व्यावसायिक रुपमे आघे बह्रलेसे केल तालिमके उपलब्धी हुइना उहाँ बटैलै ।
कार्यक्रममे संस्थाके प्रबन्धक विजय चौधरी तालिम पश्चात व्यवसाय सुरु करुइयाहे संस्थासे लोनके व्यवस्था कैना बटैलै । उहाँ कहलै, सहकारी मार्फत टमान जाने लोन लेके मजा व्यवसाय करटी बटै । खाजा व्यवसायमे नगद कमाही बा । मजासे करलेसे कामके खोजी करे औरे जाई नइपरी ।
तालिम उदघाटन कार्यक्रम सहकारीके शिक्षा उपसमिति सदस्य इन्दिरा चौधरीके अध्यक्षतामे हुइल रहे । कलेसे संचालन समितिके सदस्य ठाकुर प्रसाद करियाप्रधान करले रहिट । पाँच दिने खाजा बनैना तालिममे ३० जानेक सहभागिता रहल बा । ओ प्रशिक्षण रामसेवक चौधरी डेटी रहल बटै ।
