धनगढीमे २ ठो गढैया ताल व्यवस्थित करटी
पहुरा समाचरदाता
धनगढी, ३० जेठ । कैलाली जिल्ला धनगढी उपमहानगरपालिका वडा नम्बर ३ भाटभटेनीपाछे २ ठो गढैया तालके अधिकार क्षेत्र छुट्याके व्यवस्थित कैना काम आघे बह्राइल बा ।
आकासे पानीके सही व्यवस्थापन नइकरेबेर पानीके स्रोत सुक्टी जाके उप्परसे बरसल पानी तथा धारासे निकल पानीहे नालीके भुइँयामे कंक्रिट करके जमिनभिटर पैठे नइडेना ओ पाइप मार्फत सोझे खोलामे मिसैना प्रवृत्तिसे पुराना कुवाके अस्तित्व संकटमे परल बा ।
जमिनभिटरसे पानी पुनर्भरण हुइल नइहो, नगरप्रमुख गोपाल हमाल कहलै, हरेक वर्ष भूमिगत स्रोत दोहन केल करेबेर एकओर कुवा, इनार ओ धारा सुकल बटै । दुसर ओर पैतीस चालीस फिटमे निकरना पानी तान्न बम्मामे अब्बे डेढ दुई सय फिट तरे गैल बा ।
उहाँ कहलै, देशके टमान ठाउँमे यिहे कारण जमिन भाँस्टी जाके पानीके स्रोत सुख्टी गैल बा । पानी व्यवस्थापनमे गम्भीर बने पर्ना हुइल ओरसे धनगढी उप–महानगरपालिकासे उप–महानगर क्षेत्रभिटरके अतिक्रमित खोला नाला तालमे हुइल अतिक्रमण हटैटी आइल बा ।
