अवैध काठसहिट एक जे पक्राउ

पहुरा समाचारदाता
हसुलिया, ४ असार । कैलाली कैलारी गा.पा.२ उजलीसेमरासे अवैध काठसहित प्रहरी एक जनहनहे पक्राउ कैले बा ।

सोम्मार रोज सकारे साढे बजे कैलारी–२ उजलीसेमरा बैठना बर्ष ५४ के रामकुमार चौधरीसे सञ्चालन करल रामबिर फर्निचर उद्योगके बाहेरपट्टी वरपरसे टमान ठाउँमे धारल अवैध सालके काठसहित इलाका प्रहरी कार्यालयसे पक्राउ करल हो ।

लुकाई छिपाई काठ धारल बा कना विषेश सुचनाके आधारमे उ ठाउँमे इलाका प्रहरी कार्यालय हसुलियासे खटल प्रहरी टोली सालके टमान साईजके ७ ठो गोलिया, सालके टमान साईजके १८ ठो सिलापट करके अन्दाजी १०६.५१ क्युफिट अन्दाजी रु १ लाख ७० हजार ४१६ बराबरके अबैध काठ ओ रामकुमार चौधरीहे नियन्त्रणमे लेके आवश्यक कार्वाहीके लाग सबडिबिजन वन कार्यालय उदासीपुरके वन रक्षक जगदिश चौधरीके जिम्मा लगाइल इलाका प्रहरी कार्यालय हसुलियाके प्रमुख राजेन्द्रसिह कार्की बटैलै ।