३ दिने होमस्टे व्यवस्थापन तालिम शुरु

पहुरा समाचारदाता
धनगढी, ८ असार । धनगढी उपमहानगरपालिका वडा नम्बर १६ भादामे ३ दिने होमस्टे सञ्चालन तथा व्यवस्थापन सम्बन्धी तालिम सुरु हुइल बा ।

नेपाल एशोसिएशन अफ टुर एण्ड ट्राभल एजेन्टस् (नाट्टा) सुदूरपश्चिम संघके आयोजना तथा उद्योग, पर्यटन, वन तथा वातावरण मन्त्रालय अन्तर्गत पर्यटन विकास कार्यक्रम कार्यान्वयन इकाई सुदूरपश्चिम प्रदेशके आर्थिक सहयोगमे तालिम सुरु हुइल हो ।

उद्योग, पर्यटन, वन तथा वातावरण मन्त्री रमेश धामी उद्घाटन करल कार्यक्रम नाट्टाके अध्यक्ष पदमविक्रम सिंहके अध्यक्षतामे हुइल रहे ।

कार्यक्रममे धनगढी उपमहानगरपालिका वडा नम्बर १६ के वडाध्यक्ष सन्तेकुमार चौधरी, भादा होमस्टे व्यवस्थापन समितिके अध्यक्ष लक्ष्मीनारायण चौधरी, नाट्टाके उपाध्यक्ष भुमराज तिवारी, नुक्लीपुर सामुदायिक होमस्टेके अध्यक्ष दिनेश दहितलगायतके उपस्थिति रहल रहे ।