बाढपहिरोसे मृत्यु हुइल परिवारहे खाद्यन्न सहयोग

पहुरा समाचारदाता
धनगढी, ११ असार । प्राकृतिक श्रोत द्वन्द्व रुपान्तरण केन्द्र नेपालसे बाढ पहिरोसे ज्यान गुमाइल परिवारहे खाद्यन्न सहयोग कैगिल बा ।

कामके सिलसिलामे यिहे असार २ गते संखुवासभा जिल्लाके चैनपुर नगरपालिका वडा न.४ हेवा खोला ओ पिलुवा खोलामे हाइड्रोपावर कम्पनीमे काम करटी आइल एक्के घरके ३ जाने बर्ष २५ के रामजनम थारु, बर्ष ३० के सीता थारु ओ बर्ष १९ के अम्बर थारुके बाढ पहिरोमे परके ज्यान गैल रहे ।

प्राकृतिक श्रोत द्वन्द्व रुपान्तरण केन्द्र नेपालसे बाढ पहिरोसे ज्यान गुमाइल परिवारहे सहयोग स्वरुप चाउर ५० किलो, आलु ५ किलो, नुन ५ किलो, तेल २ लिटर, दाल २ किलो, पियाज ३ किलो ओ चिनी २ किलो सामग्री जानकी गाउँपालिका कार्यपालिका सदस्य तथा ५ न. वडा सदस्य पार्वती चौधरीमार्फत मृत्यु हुइल परिवारहे हस्तान्तरण करल प्राकृतिक श्रोत द्वन्द्व रुपान्तरण केन्द्र नेपालके सहजकर्ता बन्धुविवस चौधरी जानकारी डेलै ।