महिला अधिकारसे १६१ जाने पीडित
पहुरा समाचारदाता
धनगढी, १३ असार । छ महिनाके अवधीमे कैलाली जिल्लामे महिला अधिकारसे १६१ जाने पीडित हुइल बाटै ।
इन्सेकसे बुधके रोज आयोजित नेपाल मानव अधिकार वर्ष पुस्तक २०२४ प्रकाशसन पूर्व अर्धवार्षिक समीक्षा कार्यक्रममे इन्सेकसे अभिलेखीकरण करल सन् २०२३ जनवरीसे जुन महिनासम घरेलु हिंसासे १२० जाने, बलात्कारसे १७ लगायत १६१ जाने महिला पीडित रहल जनाइल बा । ओस्टके बलात्कार प्रयाससे ओ यौन दुव्र्यवहारसे एक÷एक जाने, बेचविखनसे तीन ओ बहुविवाहसे १५ जाने महिला पीडित रहल इन्सेकके अभिलेखमे रहल बा ।
ओस्टके बाल अधिकारसे २० जाने पीडित हुइल जनाइल बा । जेम्ने बलात्कारके १०, बेचविखनके २, यौन दुव्र्यवहारसे सात ओ बालविवाहसे एकजाने पीडित रहल जनाइल बा ।
ओस्टके २०२३ जनवरीसे जुनसम ६ महिनाके अवधिमे राज्य ओ गैरराज्य पक्षसे जिल्लामे १८६ घटना हुइल इन्सेकके क्षेत्रीय संयोजक खडकराज जोशी जानकारी डेलै । जेम्ने १८२ महिला ओ आठ जाने पुरुष सहित १९० जाने पीडित हुइल क्षेत्रीय संयोजक जोशी जानकारी डेलै ।
कार्यक्रममे मानव अधिकारकर्मी, टमान संघसंस्थाके प्रतिनीधी, पत्रकारहुक्रनके उपस्थिति रहल रहे ।
