नेपाली काँग्रेस कैलालीसे सप्ताह ब्यापी धान दिवस मनैटी

पहुरा समाचारदाता
धनगढी, १४ असार । नेपाली काँग्रेस कैलालीके सप्ताह व्यापी धान दिवस मनैना कार्यक्रम अन्तर्गत विफेक रोज दुई ठाउँमे धान लगैना कार्यक्रम करले बा ।

नेपाली काँग्रेस क्षेत्र नम्बर ५ के आयोजनामे कैलारी गाउँपालिका वडा न ६ बेनौलीमे धान रोपाइ कार्यक्रम कैगिल बा । कलेसे कैलाली निर्वाचन क्षेत्र नम्बर ३ के आयोजनामे राष्ट्रिय धान दिवस कार्यक्रम घोडाघोडी न.पा. ४ गणेशपुरमे मनैले बा ।
कैलारी गाउँपालिका वडा न ६ बेनौलीमे सप्ताह व्यापी धान दिवस मनैना कार्यक्रममे सुदुरपश्चिम प्रदेशके भौतिक पुर्वाधार विकास मन्त्री प्रकाशबहादुर देउवा रहल रहिट ।

ओस्टेक करके नेपाली काँग्रेसके पुर्र्व आमन्त्रित केन्द्रिय सदस्य आशाराम चौधरी, जिल्ला सभापति नारायणदत्त भट्ट, महासमिति सदस्य हरिष खडका, कैलारी गाउँपालिकाके अध्यक्ष राजसमझ चौधरी, जिल्ला सचिव नृप बहादुर सुनार, केशवराज मिश्र, सहसचिव रामसमझ राना, प्रदेश क के सभापति सिताराम राना, क्षेत्रीय सचिव विजयराज जोशी, महेश गोले, महाधिवेशन प्रतिनिधि मनिराम चौधरी, धनगढी उपमहानगरपालिका नगर सभापति यज्ञराज उपाध्याय, वडा सभापति छेदालाल चौधरी, वडा न ६ के अध्यक्ष प्रेम चौधरी, क्षेत्रीय प्रतिनिधि राम बिक, वडा सदस्य सुनिला चौधरी ओ महाबिर चौधरी लागायके सहभागिता रहे ।