आज राष्ट्रिय धान दिवस कैलालीमे २२ प्रतिशत रोपाई
पहुरा समाचारदाता
धनगढी, १५ असार । कैलाली जिल्लामे २२ प्रतिशत रोपाई हुइल बा ।
नेपालमे मनसुन प्रवेश करल ओ कैलालीमे औसतसे कम पानी बरसल कारण यी बरस अभिनसम २२ विफेसम रोपाई हुइल कृषि ज्ञान केन्द्रके प्रमुख खगेन्द्र प्रसाद शर्मा बटैलै । उहाँ कहलै, ‘कैलालीके अधिकांस जमिनमे सिचाईके सुविधा नइपुगल हो । आकाशे पानीके भर धान खेती हुइना पालिकामे कम सिचाई हुइल बा । बोरिङके पानीसे धान लगाईबेर ढेर खर्च हुइठ ।’
धान खेतीके लाग बोरिङके पानीसे मजा आकाशे पानी रहल केन्द्रके प्रमुख शर्मा बटैलै । गैल बरस अशौक तुलनामे यिहे समयमे थोरिक ढेर रोपाई हुइल उहाँ बटैलै । कैलालीके भजनी, जोशीपुर ओ कैलारीमे ढेर रोपाई हुइल उहाँ जनैलै ।
ओस्टेक आज देशभर राष्ट्रिय धान दिवस मनाजैटी रहल बा । जलबायु ‘अनुकुलित कृषक मैत्री प्रविधि, धान उत्पादनमे बृद्धि’ कना मुल नाराके साथ २०औं राष्ट्रिय धान दिवस तथा रोपाई महोत्सव २०८० कहिके मनाई लागल बा ।
