कैलालीमे ३० प्रतिशत रोपाई
लक्ष्मी चौधरी
धनगढी, १५ असार । कैलाली जिल्लामे आजसम ३० प्रतिशत रोपाई हुइल बा ।
कैलालीमे औसतसे कम पानी बरसल कारण यी बरस शुकके रोजसम ३० प्रतिशत केल रोपाई हुइल कृषि ज्ञान केन्द्रके प्रमुख खगेन्द्र प्रसाद शर्मा बटैलै । उहाँ कहलै, ‘कैलालीके अधिकांस जमिनमे सिचाईके सुविधा नइपुगल हो । आकाशे पानीके भर धान खेती हुइना पालिकामे कम सिचाई हुइल बा । बोरिङके पानीसे धान लगाईबेर ढेर खर्च हुइठ ।’
धान खेतीके लाग बोरिङके पानीसे मजा आकाशे पानी रहलफे कृषि केन्द्रके प्रमुख शर्मा बटैलै । गैल बरस अशौक तुलनामे यिहे समयमे थोरिक ढेर रोपाई हुइल उहाँ बटैलै । कैलालीके भजनी, जोशीपुर ओ कैलारीमे ढेर रोपाई हुइल उहाँ जनैलै ।
वसहेक करके सुदूरपश्चिम प्रदेशमे आज जलबायु अनुकुलित कृषक मैत्री प्रविधि, धान उत्पादनमे बृद्धि’ कना मुल नाराके साथ २०औं राष्ट्रिय धान दिवस तथा रोपाई महोत्सव २०८० मनाई बा । सुदूरपश्चिम प्रदेश सरकार आयोजनामे कैलालीके गोदावरी नगरपालिका १ बिजौरामे धान दिवस तथा रोपाई महोत्सब मनाइल बा ।
