साँस्कृतिक महासंघ कैलारीके अध्यक्षमे सविता थारु चयन

पहुरा समाचारदाता
हसुलिया, १६ असार । नेपाल साँस्कृतिक महासंघ कैलारी गाउँपालिकाके पहिल अधिबेशन सबिता थारुके अध्यक्षतामे लौवा कार्यक्रम चयन कैगिल बा ।

शनिच्चरके रोज हसुलियामे हुइल अधिवेशनसे उपाध्यक्ष पदमे मञ्जु चौधरी, सचिवमे विनय थारु, कोषाध्यक्षमे रामकृष्ण चौधरी चयन हुइल बटै । वसहेक सदस्यमे सुनिल चौधरी, किसुुनलाल चौधरी, तुलसीप्रसाद चौधरी, धनिराम चौधरी ओ सहदेव चौधरी चयन हुइट बटै ।

नेपाल साँस्कृतिक महासंघ कैलारी गाउँपालिका सभापति बिरबहादुर चौधरीके सभापतित्वमे हुइल कार्यक्रमके वडका पहुना नेपाली काँग्रेस सुदूरपश्चिम प्रदेश सदस्य एवं नेपाल साँस्कृतिक महासंघ केन्द्रीय उपसभापति सुरत रावत (डोटेली कान्छा) रहल रहिट । कलेसे विशिष्ट पहुना नेपाल साँस्कृतिक महासंघके केन्द्रीय सदस्य विष्णु भक्त खैर रहल रहिट ।

अधिबेशन उदघाटन समारोहमे नेपाल साँस्कृतिक संघके केन्द्रीय सदस्यद्वय प्रेम बिबश चन्द, सरस्वती खडका भट्ट, महासंघ कैलाली जिल्ला कार्यबाहक अध्यक्ष मेघा भट्ट, नेपाली काग्रेस कैलारी गाउँपालिका सचिव मिना चौधरी, नेपाल तरुण दल कैलारी गाउँपालिका केदारनाथ चौधरी, नेपाल साँस्कृतिक महासंघ जिल्ला सदस्य द्वय अमृत चौधरी, राज चौधरी राजु लगायतसे शुभकामना मन्तव्य ब्यक्त करल रहिट ।