अपांगता रहल व्यक्तीनसे अर्धनग्न प्रर्दशन
पहुरा समाचारदाता
धनगढी, १६ असार । अपाङता अधिकार प्रवद्र्धन संघर्ष समितिसे शनिच्चरके रोज मुख्य मन्त्री कार्यालय आघे अर्धनग्न प्रर्दशनसहित आधा घण्टा चक्काजाम करले बटैलै ।
प्रदेश सरकारसे अपाङता समावेशी बजेट विनियोजन नइकरल विरोधके यिहे असार १२ गतेसे रिले अनसनमे रहल अपांगता रहल व्यक्तीनसे आज दिनके ३ बजेसे अर्धनग्न हुके प्रर्दशनसहिट चक्का कैलक राष्टिय अपांगता महासंघ सुदूरपश्चिम प्रदेश अध्यक्ष मानबहादुर साउद बटैलै ।
मुख्यबजारके चक्का जाम १५ मिनेट कैना योजना रहल मने प्रहरीसे हस्ताक्षेप करलपाछे आधा चक्का करल कैना बाध्य हुइल उहाँ बटोइल । चर्को घाम ओ बर्खाके पानीमेफे रोडमे बैठके अधिकार मागेबेर अभिननफे सुनुवाई निकरलक ओरसे आज अर्धनग्न प्रर्दशन ओ चक्का करल उहाँ बटोइल । माग सुनुवाइ निहुइटसम आन्दोलन जारी रहना ओ प्रदेशसभा बैठकमे अवरोध कैना उहाँ चेतावनी डेल ।
वसहेक करके शुकके रोज उहाँहुँक्र मापदण्ड अनुसार निबनाइल एक मन्त्रालयसहित दुई सरकारी कार्यालयके व्हीलचियेर जैना अप्ध्यारा र्याम्प (खोडढु) भत्कागिल बा । संघर्ष समितिसे जिल्ला प्रशासन कार्यालय कैलाली, सुदूरपश्चिम प्रदेश सामाजिक विकास मन्त्रालय ओ सहरी विकास तथा भवन कार्यालयके व्हीलचियेर जैना अप्ध्यारा र्याम्प (खोडढु) भत्कागिल रहे ।
अपाङता अधिकार प्रवद्र्धन संघर्ष समितिसे यिहे १२ गतेसे १५ गतेसम पार्क चोकमे रिले अनशन डेहल रहे । कलेसे शनिच्चरके मुख्यमन्त्री कार्यालय आघे असार १९ गतेसम दुसरा चरणके आन्दोलन सुरु करले बा ।
