पिक्स नेपालसे पहिल ब्याचके विद्यार्थीन मनोविमर्शकर्ताके प्रमाणपत्र वितरण

पहुरा समाचारदाता
धनगढी, ३० असार । पिक्स नेपाल धनगढीसे पहिल ब्याचके विद्यार्थीनहे ६ महिने मनोविमर्शकर्ताके प्रमाणपत्र वितरण कार्यक्रम सम्पन्न हुइल बा ।

पिक्स नेपालसे संचालित ६ महिने मनोविमर्शकर्ता तालिम पश्चात पहिल ब्याचके विद्यार्थीनहे एक कार्यक्रमके विच डा. रामप्रसाद लामिछाने ओ पिक्स नेपालके अध्यक्ष वरिष्ठ मनोवैज्ञानिक विनोद पौडेल प्रमाणपत्र वितरण करल बा ।

पिक्स नेपालके स्थापना २०७४ मे हुइल हो । यकर केन्द्रीय कार्यालय काठमाडौंके तिनकुनेसे केल यी आघेक दिनमे तालिम डेटी आइल रहे । पछिल्का समयमे मनोसामाजिक समस्याके घटना बह्रटी गैल ओरसे सुन्दरपश्चिमके सेवाग्राही विद्यार्थीनहे काठमाडौँ जाके पह्रना कठिनाई हुइलओरसे समस्याहे मध्यनजर धारके २०७९ सालके भदौसे धनगढीके फाया मार्गमे स्थापना हुइल पिक्स नेपालके पिक्स नेपालके अध्यक्ष वरिष्ठ मनोवैज्ञानिक विनोद पौडेल बटैलै ।

समाजमे घटना हुइनापाछे ७५ प्रतिशत मनोसामाजिक समस्याके कारणसे घटटी आइल ओ अब्बे नेपालीके अवस्था हेरेबेर हरेक ४ जाने मन्से १ जाने व्यक्ति मानसिक समस्यामे परल रहठै । २०३० सम मनोसामाजिक समस्या विश्वमे १ नम्बरमे पर्ना हुइल ओरसे मनोविमर्शके स्थानीय सरकारमे (वडा,पालिका स्कुल ओ कलेज) मेफे मनोविमर्शकर्ताके माग बह्रटी रहल ओरसे भविष्यमे तालिम प्राप्त मनोविमर्शकर्ताके भविष्यमे मजा रहल बटैलै । मनोविमर्शकर्ताके तालिम लेहक लाग जौनफे विषयमे १२ कक्षा अध्ययन करल हुई पर्ना कहल बा । पिक्स नेपाल सावन १५ गतेसे नयाँ कक्षा संचालन हुइना ओरसे यी ब्याचमे २५ प्रतिशत अफर रहल अध्यक्ष पौडेल बटैलै ।