कैलारीमे हुइल निशुल्क विशेषज्ञ शिविरमे ३ सय ९९ जाने सेवा पैलैं

पहुरा समाचारदाता
हसुलिया, ३० असार । कैलारी गाउँपालिकाके हसुलिया स्वास्थ्य चौकीमे शनिच्चरके रोज निशुल्क विशेषज्ञ स्वास्थ्य शिविरमे ३ सय ९९ जाने सेवा पैलें बटै ।

गरिमा पोलिक्लिनिक प्रा. लि. तथा गरिमा डेण्टलके चौठा वार्षिक उत्सवके अवसरमे कैलारी गाउँपालिकासंगके सहर्कायमे निशुल्क विशेषज्ञ स्वास्थ्य शिविर संचालन करल कैलारी गाउँपालिकाके स्वास्थ्य शाखा प्रमुख नरेशकुमार चौधरी बटैलै ।

स्वास्थ्य शिविरमे निशुल्क रुपमे सुगरके चेकजाँच, पिसाबके चेक, औषधि वितरण, प्रेसर, दम सम्बन्धी फोक्सो चेकजाँच, मुटुके ई. सि.जी., दाँतके उपचार ओ परमर्श डेगिल बा । ओस्टेक करके बिग्रल दाँत निकर्ना, नाक, कान घाँटी सम्बन्धी सक्कु उपचार, महिलाके तरेक पेट सम्बन्धी निशुल्क उपचार कैगिल उहाँ बटैलै ।

निःशुल्क स्वास्थ्य शिविरमे डा. निराजनदत्त शर्मा पौड्याल (एम.बि.बि.एस., एम.डी., वरिष्ठ फिजिसियन), डा. सन्तोष डि.सि. (एम.बि.बि.एस., एम.एस, ई.एन.टी. सर्जन), डा. शर्मिला कोइराला (डेन्टल सर्जन), ६. डा. गणेश ढुङगाना (डेन्टल सर्जन), डा. पवन जोशी (मेडिकल अधिकृत ), डा. आदित्य सिंह (मेडिकल अधिकृत ), डा. रोशन चौधरी (मेडिकल अधिकृत )लगायतसे निशुल्क जाँच करल रहिट ।