दून एकेडेमीहे वेस्ट क्लब अफ मन्थ अवार्ड
पहुरा समाचारदाता
धनगढी, १ सावन । धनगढी उपमहानगरपालिका वडानम्बर ३ भन्साररोडमे रहल दून एकेडेमीके ग्रिन क्लिन दून एकेडेमी क्लबसे वेस्ट क्लब अफ मन्थके अवार्ड जिटल बा ।
जुन महिनामे स्थानीय वातावरण संरक्षणमे महत्वपूर्ण योगदान पुगाइल कहटी ग्रीन क्लिन धनगढीसे दून एकेडेमीहे महिनाके उत्कृष्ट क्लबके अवार्ड प्रदान करल हो ।
ग्रीन क्लिन धनगढीके अध्यक्ष सुवास शाही ग्रीन क्लिन दून एकेडेमी क्लबके अध्यक्ष बसन्त खड्का ओ विद्यालयके ओरसे शिक्षक सहजकर्ता वीर बहादुर दमाईहे सोम्मारके अवार्ड प्रदान करल रहिट ।
जुन महिनामे क्लबसे धनगढी नगरपालिकासे सुरु करल हरियाली प्रवर्धन कार्यक्रममे विशेष योगदान डेहल रहिट । ओस्टके क्लबसे सरसफाईं, वृक्षारोपण तथा वातावरण सम्बन्धि जनचेतनामुलक कार्यक्रम आयोजना करल रहे ।
क्लबके अध्यक्ष खड्का अवार्ड ग्रहण करलपाछे आपनहुक्रनके योगदानके कदर हुइल ओ आगामी दिनमे थप कटिबद्ध होके लग्ना बटैलै ।
एक दशकआघेसे स्वच्छ ओ हराभरा धनगढी बनैना लक्ष्यसहित सुरु हुइल ग्रीन क्लिन धनगढीसे धनगढीके टमान २१ ठो स्कुलमे क्लबहरु गठन करले बा । उ क्लब स्थानीय वातावरण संरक्षणके क्षेत्रमे टमान काम कैटी आइल बावै ।
उ मध्ये महिनाभर उत्कृष्ट काम करुइया क्लबहे महिनाके उत्कृष्ट क्लबके अवार्ड डेना करल बा ।
