कैलालीके नुक्लिपुरमे हरेरी पुजा मनागिल (फोटु फिचरसहित)
दिनेश दहित
मसुरिया, ३ सावन । कैलाली जिल्ला गौरीगंगा नगरपालिका वडा नम्बर १० नुक्लिपुुरमे मंगरके रोग बुधके रोज हरेरी पुजा मनागिल बा ।
नुक्लिपुर गाउँ समाज नुक्लिपुर सामुदायिक होमस्टेके आयोजनामे हुइलक हरेरी पुजा कार्यक्रमके प्रमुख अतिथि सुदूरपश्चिम प्रदेश सभाके सदस्य माननीय तुल्सी देवकोटा रहल रहिट ।
हरेरी पुजा रुद्राक्षके रुखुवा लगाके ओ मन्द्रा बजाके कार्यक्रम उदघाटन करल रहिट । कार्यक्रममे सम्बोधन कैटी उहाँ थारु समुदाय धर्ती पुत्र ओ प्रकृति पुजक रहल बाट बटोइली ।
ओस्टेक चार जाने गुरुवा १ जाने वनकर्मीहे सम्मानित करगिल रहे सम्मानित हुईनामे गुरुवा कालू राम डगौरा थारु, गोपालदास चौधरी, बैदवा राजु चौधरी, बच्चु लाल चौधरीहे सम्मान करगील रहे । ओस्टेक वन क्षेत्रमे सहयोग करल ओरसे वनरक्षक जगदीश चौधरी तुल्सी देवकोटाहे सम्मान करगिल रहे ।
नुक्लिपुर गाउँके भल्मन्सा हिंगुराम चौधरीके घरगोसियाईमे हुईलक कार्यक्रममृे वडा नम्बर १० के कार्यवाहक वडा अध्यक्ष प्रकाश चौधरी, प्रकाश विक, विनिता महर, पूर्व वडा अध्यक्ष पदमबहादुर ऐर लगायतके शुभकामना मन्तव्य करल रहिट ।
