अखिल नेपाल किसान महासंघके जिल्ला संयोजकमे जुगराम

पहुरा समाचारदाता
धनगढी, ३ सावन । अखिल नेपाल किसान महासंघ जुगराम चौधरीके जिल्ला संयोजकत्वमे २७ सदस्यीय जिल्ला कमिटी चयन हुइल बा ।

नेकपा एमाले सुदुरपश्चिम कमिटी सचिव तथा प्रदेशसभा सदस्य माननीय धर्मराज पाठकके प्रमुख आतिथ्यतामे बुधके रोज कैलाली जिल्ला भेलासे जिल्ला कमिति चयन करल हो ।

कमितिके सहसंयोजकमे मीन रावल ओ सचिवमे ईश्वर चन्द रहल बटै । कार्यक्रममे अखिल नेपाल किसान महासंघके केन्द्रिय सचिवालय सदस्य नेपालु चौधरी, पार्टीके कैलाली कार्यवाहक अध्यक्ष दुर्गा जोशी, पार्टी निर्वाचन विभाग सदस्य रण बहादुर चन्द, पार्टी जिल्ला सचिव डेजी पाण्डे, किसान महासंघके प्रदेश सचिव मदन रेग्मी लगायत किसान महासंघके नेताहुकनके सहभागिता रहे ।

कमिटीके बुधके बैठल पहिल बैठकसे सावन २० गतेभिटर सक्कु पालिका अधिवेसन सम्पन्न कैसेक्ना कहल बा । ओस्टेक करके कार्ययोजनासहित सावन ७ गते पुस्पलाल स्मृति दिवसके अवसरमे जिल्लाके १३ पालिकामे वृक्ष्यारोपण कार्यक्रम कैना निर्णय समेत करल बा ।