डगरामे पशुचौपाया बँध्ना रोक, अटेरी कैलेसे कार्वाही

पहुरा समाचारदाता
हसुलिया, ४ सावन । कैलाली जिल्ला कैलारी गाउँपालिका अन्र्तगत वडा नम्बर १ से ९ वडासम पर्ना सडकखण्डमे पशुचौयापा नइबँधना इलाका प्रहरी कार्यालय हसुलिया आग्रह करले बा ।

इलाका प्रहरी कार्यालय हसुलियासे विफेक रोज सार्वजनिक सूचना जारी करटी गाँउपालिकाभिटर रहल कौनो खडकखण्डमे पशुचौपाया नइबँधना आग्रह कैगिलक हो ।

डगरमे पशुचौपाया बाँधेबेर आवतजावत कैना कठिनाई हुइना, सवारी दुर्घटना हुके जनधनके क्षति हुइना, डगर फोहर हुइना, डगर हाली विग्रना ओरसे आब कैलारी गाउँपालिका अन्र्तगत कौनो खडकखण्डमे पशु चौपाया नइबँधना इलाका प्रहरी कार्यालयके प्रहरी प्रमुख वरिष्ट प्रहरी निरिक्षक राजेन्द्रसिंह कार्की सूचना जारी करटी आग्रह करल हुइट । कोइ अटेरी करके डगरखण्डमे पशु चौपाया बाँधल भेटलेसे कानून बमोजिम कार्वाही हुइनाफे उहाँ जनैलै ।