बाघके छालासहित दुई जाने पक्राउ

पहुरा समाचारदाता
धनगढी, ५ सावन । कैलालीके गोदावरी न.पा.२ रिङरोडसे बाघके छालासहित दुई जाने पक्राउ परल बटै ।

विशेष सूचनाके आधारमे नेपाल प्रहरी प्रदेश कार्यालय महेन्द्रनगर कञ्चनपुर ओ ईलाका प्रहरी कार्यालय मालाखेती कैलालीसे संयुक्त रुपमे खटल प्रहरी टोली दुई ठो बाघके छालासहिट दुुई जनहनहे पक्राउ करल हो ।

प्रहरी टोली लम्बाई ६ फिट ११ इन्च, चौडाई २ फिट ४ ईन्च ओ पुच्छीसहितके लम्बाई ७ फिट३ ईन्च, चौडाई २ फिट रहल दुई ठो बाघके छाला सहित जिल्ला बैतडी दोगडाकेदार गा.पा.२ बैठना बर्ष ६५ के देवसिंह बिष्ट ओ पाटन नगरपालिका ८ बैठना बर्ष ३० के हर्कबहादुर बिष्टहे बिफेक रात पक्राउ करल हो ।

प्रहरी टोलीसे चेकजाँच करेबेर ओइन ठेनसे उ बस्तु फेला पारके पक्राउ करके यीबारे थप अनुसन्धान करटी रहल बा ।