भरुवा बन्दुक सहित एक जाने पक्राउ

पहुरा समाचारदाता
हसुलिया, ८ सावन । कैलारी गाउँपालिका वडा नम्बर ६ खरुवाखेरासे एक जाने भरुवा बन्दुक सहित पक्राउ परल बटै ।

घरेम अबैध बन्दुक बा कना सूचना पाइलपाछे इलाका प्रहरी कार्यालय हसुलियासे खटल प्रहरी टोली कैलारी गा.पा. ६ खरुवाखेडा बैठना वर्ष ५२ के नारायण प्रसाद चौधरीहे बन्दुक ओ ओम्ने लग्ना समानसहित पक्राउ करल हो ।

प्रहरी टोली हुकान घर खानतलासी करेबेर खरसे छाइल कच्ची घरके पालीमे नुकाई छिपाई धारल अवस्थामे १ थान १ नाले अबैध भरुवा बन्दुक, बारुद ४ डिब्बा, तयारी गोली ३८ पिस छोट, २८ पिस भारी, सिसाके टुक्रा ९ पिस छोट, सिसाके १ पिस भारी बरामद कैगिल बा ।

प्रहरीसे नारायणहे समेत नियन्त्रणमे लेके आवश्यक कार्वाहीके लाग जिल्ला प्रहरी कार्यालय धनगढी कैलाली पठाइल बा ।