सुदूरपश्चिममे नागरिक उन्मुक्ति सरकारमे जैना
पहुरा समाचारदाता
धनगढी, ८ सावन । सुदूरपश्चिमे प्रदेश सरकारमे नागरिक उन्मुक्ती पार्टी सहभागी हुइना हुइल बा ।
पार्टीसे भूमि व्यवस्था कृषि तथा सहकारीमन्त्रीमे रामेश्वर चौधरी ओ राज्यमन्त्रीमे कैलाश चौधरीके नाउँ टुंगो लगाके पठाइल नागरिक उन्मुक्तिके संसदीय दलके नेता घनश्याम चौधरी बटैलै ।
उहाँहुक्रहे कौन बेला मन्त्री नियुक्त कैना ओ शपथ ग्रहण करैना बारेमे सोम्मार नागरिक उन्मुक्ति ओ मुख्यमन्त्री कमलबहादुर शाहबीच छलफल हुइल नागरिक उन्मुक्तिके संसदीय दलके नेता घनश्याम चौधरी बटैलै । फोनमे बाटचित करेबेर भूमि व्यवस्था कृषि तथा सहकारीमन्त्रीके दाबेदार रामेश्वर चौधरी आज (मंगर)के मन्त्री मण्डल विस्तार हुइना बटैलै ।
ओस्टेक तत्कालीन मन्त्री पृथ्वीबहादुर सिंहके सवारी दुर्घटनामे परके ज्यान गैलपाछे खाली रहल आन्तरिक मामिला तथा कानून मन्त्रालय भर कांग्रेस अपनही रख्ना हुइलेसेफे मन्त्रीके रुपम किही पठैना खुलल नाइहो ।
