नाउपा सुदूरपश्चिम सरकारमे सहभागी हुइना अस्विकार

पहुरा समाचारदाता
धनगढी, ९ सावन । पूर्व सहमति अनुसार दुई मन्त्री एक राज्य मन्त्री नइपाइलपाछे नागरिक उन्मुक्ति पार्टी सुदूरपश्चि प्रदेश सरकारमे सहभागी हुइना अस्विकार करले बा ।

नागरिक उन्मुक्ती पार्टीके केन्द्रीय अध्यक्ष रन्जिता श्रेष्ठचौधरी केन्द्रके निर्णय ओ सहमति अनुसार सुदूरपश्चिम प्रदेश सरकारमे मन्त्रालयके भागवन्द नइमिललपाछे सहभागी नइहुइना सुदूरपश्चिम प्रदेश सरकारके मुख्यमन्त्री कार्यालयहे जानकारी करैले बटी । नागरिक उन्मुक्ती पार्टीके प्रदेशसभा सदस्य रामेश्वर चौधरी पूर्व सहमति अनुसार मन्त्रालय नइपाइलपाछ तत्काल सरकारमे सहभागि नइहुइना जनैले बटै ।

नागरिक उन्मुक्ती पार्टी भूमि व्यवस्था कृषि तथा सहकारीमन्त्रीमे रामेश्वर चौधरी ओ राज्यमन्त्रीमे कैलाश चौधरीके नाउँ टुंगो लगाके पठाइल रहे ।