धनगढी उपमहानगरसे बिगरल सिसि टिभि क्यामराके मर्मत

पहुरा समाचारदाता
धनगढी, ११ सावन । धनगढी उपमहानगरपालिका टमान ठाउँमे जडान हुइल विगरल सिसि क्यामराके मर्मत कैगिल बा ।
धनगढी उप–महानगरपालिकासे २ लाख, ७१ हजार पाँच सय चौवालिस रुप्या लगाके मर्मत करले बा ।

अपराधिक क्रियाकलाप नियन्त्रण ओ बजार क्षेत्रमे शान्ति सुरक्षाके कायम कैना उद्देश्यसे बजारके टमान क्षेत्र (बोरडाँडीसे त्रिनगर भन्सार सम १२ ठो, चौराहसे जिल्ला प्रहरी कार्यालय सम १८ ठो ओ जिल्ला प्रहरी कार्यालयके परिसर क्षेत्रमे ५ ठो) जडान हुइल जम्मा ३५ ठो सिसि क्यामराके मर्मत कैगिल नगरप्रमुख गोपाल हमाल जनैलै ।

बिगरके काम नइकैना अवस्थामे रहल ओरसे मर्मतके लाग जिल्ला प्रहरी कार्यालयसे आग्रह करल पश्चात् उ स्थानमे सी.सी. टिभी क्यामरा मर्मत कैना कार्य सम्पन्न हुके सञ्चालनमे रहल नगर प्रमुख हमाल बटैलै ।