अबैध लागु औषधसहित ११ जाने पक्राउ

पहुरा समाचारदाता
धनगढी, १४ सावन । अबैध लागु औषधसहित प्रहरीसे टमान ठाउँसे सात जनहनहे पक्राउ करले बा ।

कैलालीके टिकापुर नगरपालिका ९ खक्रोला पुल लग्गेसे २०० मिलिग्राम लागु औषध खैरो हेरोईन जैसिन विल्गैना धुलो पदार्थ सहित वर्ष २४ के आवाश भट्टराई ओ वर्ष २५ के जीवन रावलहे शनिच्चर साँझ प्रहरीसे पक्राउ करल हो । प्रहरी चौकी कालाकुण्डासे खटके गैल प्रहरी टोली शंका लागके चेकजाँच करेबेर ओइनथेनसे उ पदार्थ फेला पारके पक्राउ करल हो ।
ओस्टेक कैलाली जिल्ला धनगढी उपमहानगरपालिका ३ व्यारेलस्थित ६५० मिलिग्राम लागु औषध खैरो हेरोईन जैसिन विल्गैना धुलो पदार्थ सहित गोदावरी ८ बैठना वर्ष २१ के विवेक चौधरीहे शनिच्चर साँझ प्रहरीसे पक्राउ करल हो । उहे ठाउँसे ११० मिलिग्राम लागु औषध खैरो हेरोईन जैसिन विल्गैना धुलो पदार्थ सहित वडा नम्बर १ बैठना बर्ष २१ के संजय गुप्ता, बर्ष १९ के अभिषेक कुसुवाहेफे शनिच्चरके साँझ प्रहरी पक्राउ करले बा ।

जिल्ला प्रहरी कार्यालय कैलाली ओ प्रहरी चौकी त्रिनगरसे खटके गैल संयुक्त प्रहरी टोली शंका लागके चेकजाँच करेबेर ओइन थेनसे उ पदार्थ फेला पारके पक्राउ करल हो ।

कैलाली जिल्ला धनगढी उपमहानगरपालिका २ सन्तोषीटोलसे ३५० मिलिग्राम लागु औषध खैरोहेरोईन सहित वर्ष २७ के योगेश कुँवरसहिट दुईजनहनहे अँटवारके दुपहर प्रहरी पक्राउ करले बा ।

ओस्टेक करके कञ्चनपुर जिल्ला पुनर्वास न.पा १० दोदास्थित १.२० ग्राम लागु औषध खैरो हेरोईन जैसिन विल्गैना धुलो पदार्थसहित जिल्ला कैलाली, धनगढी उ.म.न.पा.३ मिलनचोक बैठना वर्ष २८ के प्रदिप पाख्रिन ओ वडा नम्बर १ बैठना वर्ष ३३ के बिकल मगरहे शनिच्चर साँभ ओर प्रहरी पक्राउ करल हो ।

सुदूरपश्चिम प्रदेश प्रहरी कार्यालय धनगढी ओ ईलाका प्रहरी कार्यालय त्रिभुवनबस्तीसे खटके गैल संयुक्त प्रहरी टोली शंका लागके चेकजाँच करेबेर ओेइनथेन रहल मोटरसाईकलके हेडलाईट प्लक ओ ईन्जिन प्लकभिटर उ पदार्थ नुकाछिपाके धारल अबस्थामे फेला पारके ओइनहे मोटरसाईकल थान १ समेत प्रहरी पक्राउ करल हो ।

ओस्टे कञ्चनपुर, भिमदत्त न.पा. ११ गडडाचौकीस्थित ०.२५ ग्राम लागु औषध खैरो हेरोईन जैसिन विल्गैना धुर पदार्थ सहित बेदकोट न.पा.२ बसन्थला बैठना बर्ष २७ के धिरेन्द्र रावल ओ बर्ष ३० के ईश्वर चटौतहे शनिच्चर रात प्रहरी पक्राउ करल हो ।
ईलाका प्रहरी कार्यालय गडडाचौकीसे खटके गैल प्रहरी टोली शंका लागके चेकजाँच करेबेर ओइनथेनसे उ पदार्थ फेला पारके दुनहुनहे पक्राउ करल हो । यी सम्बन्धमे प्रहरीसे थप अनुसन्धान करटी रहल बा ।