लागु औषधसहित आठ जाने पक्राउ

पहुरा समाचारदाता
धनगढी,२२ सावन । सुदूरपश्चिम प्रदेशके कैलाली ओ दार्चुलासे लागु औषधसहित आठ जाने पक्राउ परल बटै ।
सुदूरपश्चिम प्रदेश प्रहरी कार्यालयके अनुसार कैलालीमे ६ जाने दार्चुलामे २ जाने करके आठ जाने पक्राउ परल हुइट । प्रहरी चौकी त्रिनगर कैलालीसे खटके गैल प्रहरी टोली धनगढी उप–महानगरपालिका २ पिपल चौतरासे १०० मिलिग्राम लागु औषध खैरो हेरोईन जैसिन विल्गैना धुर पदार्थसहित बर्ष ३१ के मालराम डगौराहे अँटवार साँझके पक्राउ कैगिल बा । हुकानथेन उ पदार्थ फेला पारके पक्राउ करल हो ।

ओस्टेक करके कैलालीके गौरीगंगा न.पा.८ बढैपुरसे २१० मिलिग्राम लागु औषध खैरो हेरोईन जैसिन विल्गैना धुर पदार्थसहित उहे ठाँउ बैठना बर्ष २३ के खगेन्द्र बाठामगर समेत पाँच जनहनहे अँटवार रात प्रहरीसे पक्राउ करल हो । सुदूरपश्चिम प्रदेश प्रहरी कार्यालय धनगढी ओ ईलाका प्रहरी कार्यालय मसुरिया कैलालीसे खटके गैल संयुक्त प्रहरी टोली ओइनके थेनसे उ पदार्थ फेला पारके पक्राउ करल हो । यी सम्बन्धमे प्रहरीसे थप अनुसन्धान करटी रहल बा ।

लागु औषध(चरेश) सहित २ जाने पक्राउ

दार्चुला जिल्ला शैल्यशिखर नगरपालिका वडा. नं.३ कर्कलेसे ६ किलो १०० ग्राम लागु औषध जैसिन विल्गैना करिया पदार्थ (चरेश) सहित महाकाली नगरपालिका वडा नं.४ खलंगा बैठना बर्ष ६६ के मानसिंह ठगुन्ना ओ नौगाड गाउँपालिका वडा नं. ४ सिप्टी बैठना बर्ष ७० के गौरसिंह ठगुन्नाहे सोम्मार सकारे १ बजेओर प्रहरीसे पक्राउ करल हो ।

ईलाका प्रहरी कार्यालय गोकुलेश्वर दार्चुलासे खटके गैल प्रहरी गस्ती टोली शंका लाग चेकजाँच करेबेर ओइने दुनु जाने बोकल झोलामे प्लाष्टिकभिटर नुकाके धारल अवस्थामे उ पदार्थ फेला पारके पक्राउ करल हो । यी सम्बन्धमे प्रहरीसे थप अनुसन्धान करटी रहल बा ।