दिनेश फाउण्डेशनसे पत्रकार उपाध्यायहे ५१ हजारसहित सम्मान

पहुरा समाचारदाता
धनगढी २३ सावन । दिनेश फाउण्डेशनसे पत्रकार दिपक उपाध्यायहे सम्मान करल बा ।

फाउण्डेशनसे आयोजना करल ११ औं वृहत् रक्तदान कार्यक्रममे १०२ चो रक्तदान करल उपाध्यायहे सम्मान करल हो । मंगक रोज करल रक्तदान कार्यक्रममे फाउण्डेशसनको अध्यक्ष श्याम हमाल पत्रकार उपाध्यायहे नगद ५१ हजारसहिट सम्मान पत्रसे सम्मान करल रहिट । सुदूरपश्चिममे उपाध्याय हालसम सर्वाधिक १०२ चो रक्तदान करले बटै ।

रक्तदानस ढेरजे जीवन दान प्राप्त कैना हुइल ओरसे दिनेश फाउण्डेशने हरेक वर्ष रक्तदान कार्यक्रम आयोजना करटी आइल दिनेश फाउन्डेशनके अध्यक्ष हमाल बटैलै । उहाँ फाउन्डेशनसे हरेक वर्ष एक सय पिन्टसे ढेर रगत नेपाल रेडक्रस सोसाइटीहे प्रदान करटी आइल बटैले । यी वर्ष ११ औं चो के रक्तदाने दुई सय पिन्ट रगत संकलन कैना लक्ष्य रहल अध्यक्ष हमाल बटैलै ।

‘सावन महिनामे बिरामीहे रगतके आवश्यकता ढेर हुइल ओरसे हरेक वर्ष दिनेश फाउण्डेशनसे सावनमे रक्तदान करटी आइल बा ।,’ उहाँ कहलै, ’पत्रकार उपाध्याय रक्तदान करे चाहल व्यक्तिक लाग प्रेरणाके स्रोत हुइल ओरसे अन्य रक्तदान करे चहना व्यक्तिहे समेत हौसला पुगे कहिके सम्मान करल हो ।’ दिनेश फाउण्डेशनसे हरेक वर्ष सावनमे रक्तदान करटी आइल बा कलेस टमान समयमे ओर सामाजिक कार्य फे करटी आइ बा ।