कैलारी–७ रामपुरमे वायो सेन्ट फिल्टर वितरण

पहुरा समाचारदाता
हसुलिया, २३ सावन । कैलारी गाउँपालिका वडा नम्बर ७ रामपुरमे शुद्ध खानेपानीके लाग वायो सेन्ट फिल्टर वितरण कैगिल बा ।

डिसिए नेपाल ओ दलित महिला अधिकार मञ्चसे कैलारी गाउँपालिकामे संचालित आधार परियोजना अन्र्तगत समुहमे आवद्ध महिला सदस्यहुकनहे शुद्ध खानेपानीके लाग वायो सेन्ट फिल्टर वितरण कैगिल हो । कैलारी गाउँपालिकाके अध्यक्ष राजसमझ चौधरीके वडका पहुुना ओ वडा नम्बर ७ के वडा अध्यक्ष दिपेन्द्र बहादुर बम, प्रमुख प्रशासकीय विर बहादुर ऐरके विशिष्ट आतिथ्यमे महिला कृषक समुहके २४ जाने महिला सदस्यहुकनहे शुद्ध खानेपानीके लाग वायो सेन्ट फिल्टर वितरण कैगिल बा ।

बर्खाके बेला नल्कामेफे फोहार पानी अइना ओरसे पानी फिल्टर कैके खैना आवश्यक रहल गाउँपालिका अध्यक्ष बटैलै । उहाँ कहलै, बर्खाके बेला उप्परसे बरसल पानी प्रशस्त मात्रमे सोसके टरे पुगठ । टबमारे यी फिल्टरके एकदम आवश्यक हो । फिल्टर करल पानी खैलेसे पानी जन्य रोगसे बाँचे सेकना उहाँ बटैलै । महिला कृषक समुहके महिलाहुकनहे वडा अध्यक्ष, प्रमुख प्रशासकीय अधिकृतलगायतसे हस्तान्तरण करल रहिट ।