लागू औषधसहित पाँच जाने पक्राउ

पहुरा समाचारदाता
कैलाली, २३ सावन । जिल्ला कैलाली धनगढी उउपमहानगरपालिका ४ सत्कार चोकसे लागु औषधसहित एक जाने पक्राउ परल बटै ।

प्रहरीसे वडा नम्बर ४ बैठना बर्ष ३२ के रोशन सिंह समेत तीन जनहनहे दपहर पक्राउ करल हो । बिवेष सूचनाके आधारमे जिल्ला प्रहरी कार्यालय कैलालीसे खटल प्रहरी टोली सत्कार चोकस्थित कोठामे चेकजाँच करेबेर कोठासे १ ग्राम ७०० मिलिग्राम लागू औषध खैरो हेरोईन जैसिन विल्गैना धुर पदार्थ सहित फेला पक्राउ करल हो ।

ओस्टेक करके कैलालीके धनगढी २ त्रिनगरसे ६५० मिलिग्राम लागू औषध खैरो हेरोईन जैसिन विल्गैना धुर पदार्थ सहित ८ बैठना बर्ष २६ के रोहित राना ओ बर्ष १८ के प्रविण रानालहे मंगरके दुपहर प्रहरीसे पक्राउ करल हो । जिल्ला प्रहरी कार्यालय कैलालीसे खटके गैल प्रहरी टोली शंका लागके चेकजाँच करेबेर ओइनथेनसे उ पदार्थ फेला पारकके ओइनहे पक्राउ करल हो ।