युवा दिवसके अवसरमे एनवाइइएफ कैलालीसे बृक्षरोपण

पहुरा समाचारदाता
धनगढी, २८ सावन । अन्तर्राष्ट्रिय युवा दिवसके अवसर पारके एनवाइइएफ कैलाली च्याप्टरसे धनगढीमे वृक्षरोपण करले बा । बृक्षरोपना कार्यक्रममे रुद्राक्ष, श्रीखण्ड, निम, बेल लगायत टमान प्रजातीके ४० बोटबिरुवा लगाइल हो ।

बृक्षरोपण कार्यक्रम धनगढीस्थित शिवपुरी धाममे करल हो । कार्यक्रममे शिवपुरी धाम व्यवस्थापन समितिके अध्यक्ष बलदेव भटट, उपाध्यक्ष योगेश मल्लसहितके उपस्थिति रहल रहे । अध्यक्ष भट्ट युवा उद्यमी मञ्च कैलाली शाखाहे धन्यवाद व्यक्त करलै ।

उहे अवसरमे सहभागी सक्कु हातमे टमान खाले जनचेतना मुलक नारासहितके प्लेकार्ड बोक्के समाजहे सकारात्मक सन्देशफे डेहल बटै ।

मञ्चके अध्यक्ष कुबेरबहादुर शाही यी क्षेत्रमे युवा उद्यमी ओ उद्यमशिलताके विकासमे भुमिका खेल्नाके साथे टमान अवसरमे यी मेरके और सामाजिक ओ मानविय सेवाके कार्य निरन्तर कैना बटैलै ।