कैलारी गाउँपालिका–८ के वडा सदस्यके निधन

गाउँपालिकासे आज शोक विदा

पहुरा समाचारदाता
हसुलिया, ३ भदौ । कैलारी गाउँपालिका वडा नम्बर ८ के वडा सदस्य माघुराम चौधरीके निधन हुइल बा ।

वडा नम्बर ८ दुधिया निवासी ४२ बरसके वडा सदस्य चौधरीके आज निधन हुइल गाउँपालिका अध्यक्ष राजसमझ चौधरी बटैलै । वडा सदस्यके निधनपाछे कार्यपालिकाके निर्णयसे आज पालिकासे शोक विदा डेले बा । वडा सदस्यके शोकमे अँटवारके रोज गाउँपालिका, वडा कार्यालय, सक्कु शैक्षिक संघ संस्थामे विदा डेहल बा ।