धनगढी उपमहानगर प्रमुख हमाल अपने पैना सेवाके रकमसे १७ विद्यालयहे शैक्षिक सामाग्री वितरण

पहुरा समाचारदाता
धनगढी, ७ भदौ । कैलाली जिल्लाके धनगढी उपमहानगरपालिकाके नगर प्रमुख गोपाल हमाल अपने पाइल सेवा मन्से व्यक्ति रकम थप करके आज १७ विद्यालयहे शैक्षिक सामाग्री वितरण करले बटै ।

धनगढी उप–महानगरपालिकाभिटर कक्षा ८ अन्तिम परिक्षामे शुन्य नतिजा आइल १७ विद्यालयहे नगर प्रमुख हमालसे २०८० सालमे सेवा सुविधाके रकम ओ ओम्ने व्यक्तिगत रकम ठप करके ९ लाख ९२ हजार ६२० रुप्या बराबरके शैक्षिक समाग्री वितरण कैगिल हो ।

शैक्षिक सत्र २०७९ सालमे कक्षा ८ के अन्तिम परिक्षामे शुन्य नतिजा आइल विद्यालयके सरोकारवालासंग अन्तरक्रिया कार्यक्रममे विद्यार्थीहुकनके नतिजा शुन्य हुइनामे आर्थिक अवस्था कमजोर हुके शैक्षिक समाग्री अभावसे हुइल कना प्रअ ओ व्यवस्थापन समितिके गुनासो पश्चात् उ समस्या समाधान करके शैक्षिक सुधारके लाग मै धनगढी उप–महानगरपालिकासे नगर प्रमुखके जिम्मेवारी वाफत प्राप्त कैना सेवा सुविधासे १७ विद्यालयहे शैक्षिक समाग्री वितरण करल उहाँ बटैलै ।

नगरभिटरके १७ विद्यालयके ३ हजार ४८९ विद्यार्थीहुकनके लाग मेयर हमालसे प्रति विद्यार्थी ६÷६ ठो कपी, ४÷४ ओटा पेन्सिल, २÷२ ठो ा कटर ओ २÷२ ठो ईरेजरके दरसे २० हजार ९ सय ३४ पिस कपी, १३ हजार ९ सय ५६ पिस पेन्सिल, ६ हजार ९ सय ७८ पिस कटर ओ ६ हजार ९ सय ७८ पिस ईरेजर हस्तान्तरण करले बटै ।

उपमहानगरके वडा नम्बर १ शान्तिनगरके सरस्वती आविमे अध्ययनरत ३४२ जाने विद्यार्थीके लाग हस्तान्तण कैगिल बा । क्रमशः वडा नम्बर १३ श्रीलंका स्थित नवज्याती आविका ३ सय ३५ जाने, वडा नम्बर १३ राजपुरके जनाता राष्ट्रिय माविका ७४ जाने, वडा नम्बर ६ मटियारीके भैरवबाबा आविके १ सय २६ जाने, वडा नम्बर ९ बंगराकटानके सरस्वती आविके १ सय ६५ जाने, वडा नम्बर ७ देवरियाके शिव माविके २ सय ८ जाने, वडा नम्बर १७ पथरीके भानु माविके ४ सय ७ जाने, वडा नम्बर १७ के दमौलियाके सज्जन आविके २ सय ७५ जाने, वडा नम्बर १६ भादाके दिपेन्द्र चारपाते माविके ८४ जाने रहल बटै ।

ओस्टेक करके वडा नम्बर १४ फुलवारीके शिवशंकर आविके ६७ जाने, वडा नम्बर १४ के एच गाउँके सिद्धार्थ आविके १ सय ४७ जाने, वडा नम्बर १८ एफ गाउँके खप्तडी आविके ३८ जाने, वडा नम्बर १८ ई गाउँके ईन्द्रोदय आविके १ सय ८७ जाने, वडा नम्बर १९ फुलबारीके फुलवारी आविके ३ सय ४३ जाने, वडा नम्बर १२ दुर्गा वस्तीके नवदुर्गा आविके १ सय ३६ जाने, ओ वडा नम्बर १० जुगेडाके जनकल्याण माविके ३ सय १८ जाने विद्यार्थीहुकनके लाग शैक्षिक सामाग्री हस्तान्तरण कैगिल बा ।
मेयर हमालसे कक्षा ८ के वार्षिक परीक्षामे शुन्य नतिजा आइल नगरभिटरके १७ ठो सामुदायिक विद्यालयके विपन्न वर्गके विद्यार्थीनहे व्यक्तिगत लगानीमे शैक्षिक सामग्री वितरण कैना घोषणा करले रहिट ।