निःशुल्क आँखी ओ दाँत शिविर

पहुरा समाचारदाता
धनगढी, ९ भदौ । कैलालीके गौरीगंगा नगरपालिका वडा नम्बर १० उदासीपुरमे निःशुल्क आँखी ओ दन्त शिविर हुइल बा ।
नेपाल नेत्र ज्योति संघ, गेटा आँखा अस्पताल ओ मुस्कान डेन्टल होमके सहयोग तथा थारु गुरुवा बैदवा समाजके आयोजनामे शनिच्चरके निःशुल्क शिविर हुइल हो ।

निःशुल्क शिविरमे आँखी सम्बन्धी सेवा चार सय ७८ जाने ओ दन्त सम्बन्धी सेवा एक सय ५० जाने सेवा लेले बटै । शिविरमे सेवा लेहे आइल सेवाग्राहीहे निःशुल्क औषधि वितरण करल बा ।