सुदूरपश्चिममे प्रदेशमे संक्रमित संख्या ५ सय ४० पुगल
पहुरा समाचारदाता
धनगढी, ९ भदौ । सुदूरपश्चिम प्रदेशमे अगष्ट महिनाके २६ दिनमे २ सय १३ जनहनमे डेंगु संक्रमण हुइल हुइल बा ।
सुदूरपश्चिम प्रदेश सामाजिक विकास मन्क्रालय स्वास्थ्य निर्देशनालयसे डेहल जानकारी अनुसार यी महिनामे यी बरसके सबसे ढेर संत्रमित पुगल बटै । जुलाई महिनामे जम्मा ५८ जनहनमे डेंगु डेखलमे अगष्ट महिनाके २६ तारेखसम २ सय १३ जनहनमे डंेंगु संक्रमण डेखल निर्देशनालय जनैले बा । सुदूरपश्चिम फ्रदेश यी बरसके अब्बे ५ सय ४० जनहनमे संक्रमण डेखल सेकल बा, संत्रमण बृद्धिदर हेरबेर कैलाली उच्च जोखिममे रहल बा । यहाँ अगष्ट महिनामे ९९ जनहनमे डेंगु डेखल बा । कलेसे अब्बेसम कैलालीमे १ सय २५ संक्रमित पुगल बटै ।
अगष्ट महिनामे कञ्चनपुरमे ३८, अछाममे २१, बाजुरा २६, डोटी १०, डडेल्धुरा ७, बझmाङ ६, दार्चुला ३ ओ बैतडीमे १ जनहनमे डेंगु संक्रमण डेखल निर्देशनालय जनैले बा ।
अब्बेक संत्रमण बृद्धिदर हेरेबेर कैलाली उच्च जोखिममे रहलेसेफे सुदूरफश्चिमके दार्चुलामे सबसे १९४ जाने डेंगुके संक्रmमित रहल बटै । यी जिल्लामे मार्च महिना केल सबसे ढेर ११७ जनहनमे संत्रमण डेखल रहे । अब्बे यहाँ संक्रमण दर न्यून रहल बा । अगष्ट महिनामे ३ जनहनमे डेंगु संत्रमण पुष्टि हुइल बा ।
अगष्ट महिनासम कञ्चनपुरमे ९५, अछाममे ५२, बाजुरा ३२, डोटी १५, डडेल्धुरा ९, बझाङ १२, ओ बैतडीमे ६ जनहनमे डेंगु संक्रमण डेखल निर्देशनालय जनैले बा ।
नेपालमे सन् २००४ मे पहिल चो चितवन जिल्लामे विदेशी नागरिकमे डेंगु रोग पाइल रहे । सन् २००६ मे पहिल चो नेपालमे डेंगु रोग प्रकोपके रुपमे देखा परल रहे । नेपालमे वि.सं. २०६१ सालसे डेंगु रोग विल्गैना सुरु पश्यात प्रत्येक वर्ष यी रोग कब महामारीके रुपमे टे कबु छिटफुट रुपमे डेखा पर्ना करल बा ।
२०२२ मे ५४ हजार ७८४ जनहनमे (२०७९ साल वैशाख महिनासे डेंगु रोगके विरामीके संख्यामे वृद्धि हुके भदौ कुवाँर कार्तिक हुइटी पुसमहिना सम देशभर झन्डै ५५ हजार से ढेर संक्रमण हुके ८८ जानेक मृत्यु हुइल बा । उ अवधीमे सुदुरपश्चिम प्रदेशमेफे डेंगु ढेर देखा परल रहे । कैलाली जिल्लामे ४३२ जनहनमे डेंगु रोग देखा परल रहे । ओ ३ जानेक मृत्युफे हुइल बा । कैलाली आर्थिक वर्ष २०७६–७७ मे ४१, २०७७–७८ मे १०१ ओ २०७८–७९ मे १९८ जनहनमे डेगु पुष्टि हुइल रहे । सन् २०२३ के १६ अगस्टसम देशभर १४ हजार ३५७ केशके रिपोटमे उल्लेख बा ।
भाइरससे लग्ना डेंगु रोग रोकथामके एक ठो केल भरपर्दो उपाय डेंगु सर्ना मच्छरके लार्भा खोज ओ नष्ट अभियान रहल जनाइल बा । यकर साथे, घर वरपर पानी जमे नइडेनाके साथे बट्टा, गमला, टायर, प्लाष्टिकके डब्बा, ड्रमलगायतमे जमल पानी बेला–बेला फेक्ना आवश्यक रहल स्वास्थ्य कार्यालय कैलालीके प्रमुख लाल बहादुर धामी बटैठै ।
डेंगुसे बाँचेक लाग मच्छरके वृत्तिविकास रोक्न आवश्यक रहल जिल्ला स्वास्थ्य कार्यालयके निमित्त प्रमुख तेजविक्रम शाही बटैलै । उहाँ महामारी बहुआयामिक समस्या रहल आोरसे डेंगुके महामारी रोक्न सक्कु जाने अपन ठाउँसे लग्ना आवश्यक रहल बटैलै ।
डेंगु जुरी संक्रमित मच्छरके कटाईसे सर्ना एक मेरिक भाइरल सरुवा रोग हो । डेंगु बिषाणु भाइरससे संक्रमित हुइल एडीस एजिप्टाई ओ एडिस एल्बोपिकट्स मच्छरसे यी रोग सरठ । यी रोग लग्लेसे सुरुमे आकस्मिक रुघाखोकी जुरी आइठ । कबु कबु यी रोग लागल कुछ बिरामीमे रक्तश्रावके साथे प्लाज्मा लिकेज हुके, बिरामी जटिल अवस्थामे जाइ सेक्ठै ।
