प्रादेशिक डेउडा प्रतियोगिता हुइना

पहुरा समाचारदाता
धनगढी, ११ भदौ । सुदूरपश्चिम प्रज्ञा प्रतिष्ठान ओ डेउडा प्रतिष्ठानके संयुक्त आयोजनामे सुदूरपश्चिम गौरा महोत्सव तथा प्रादेशिक डेउडा प्रतियोगिता सञ्चालन हुइना बा ।

यिहे भदौ १४, १५ ओ १६ गते धनगढी उपमहानगरपालिकाके प्राङगणमे सञ्चालन कैना डेउडा प्रतिष्ठानके अध्यक्ष दलबहादुर बोगटी बटैलै । स्थानीय ‘भाषा, साहित्य, कला ओ संस्कृतिके संरक्षण कैना हमार दायित्व हो ।’ कना मुल नाराके साथ २०७३ सालसे निरन्तर करटी आइल ओ २०८० मे फे ८ औं पटक करे लागल डेउडा प्रतिष्ठानके महासचिव तोयाप्रसाद भट्ट बटैलै ।
डेउडा प्रतियोगितासे पहिल हुनाहे २१ हजार, दुसरहे १५ हजार, टिसराहे ९ हजार ओ सान्त्वनाहे ५ हजारके साथे प्रमाणपत्र समेत प्रदान कैना आयोजक जनैले बा ।