स्रोत नइखुलल करिब ५ लाख भारु रुप्या बरामद

पहुरा समाचारदाता
धनगढी, १४ भदौ । कैलालीके गोदावरीसे स्रोत निखुलल करिब ५ लाख भारु रुप्यासहित एक जाने पक्राउ परल बटै ।

विफेक रोज दुपहर १ बजे ईलाका प्रहरी कार्यालय मालाखेतीसे प्रहरी निरीक्षक रविन्द्र सिंह कार्कीके कमाण्डमे सादा पोषाकमे खटल प्रहरी टोली वडा नम्बर १ बनखेत बैठना ३५ वर्षिया रमेश बहादुर तिरूवाहे घरके कोठाभिटर स्ल्याबमे धारल श्रोत नइखुलल भारतिय रूप्या ४ लाख ७४ हजार पाँच सय बरामद कैके पक्राउ कैगिल हो ।

ओस्टेक करके प्रहरीसे शंका लागके चेकजाँच करेबेर उहाँके शरिर ओ घरभिटर ग्यालरीके भित्तामे रहल फवाङमे सुपरपावर नामक सुर्तीके कभरमे नुकछिपा धारल करिया प्लाष्टिकभिटर १७ पोका खैरो हेरोईन जैसिन विल्गैना धुर पदार्थ ओ करिया प्लाष्टिकभिटर १ ठो पोकामे उज्जर धुर पदार्थ समेत कैके २ ग्राम १९० मिलिग्राम लागु औषधसमेत बरामद करल ईप्रका मालाखेतीके डिएसपी गणेश बराल बटैलै ।