भेन्टिलेसन तुरके भागल थुनुवा पक्राउ

पहुरा समाचारदाता
कञ्चनपुर, १४ भदौ । कञ्चनपुर जिल्लाके महेन्द्रनगरके वडा प्रहरी कार्यालयके भेन्टिलेसन तुरके भागल एक थुनुवाहे प्रहरी पक्राउ करले बा ।

बुधक साँझ साढे ८ बजे थुनुवा कक्षके भेन्टिलेटर तुरके भागल बेलौरी नगरपालिका–६ हात्तिबोझाके २६ वर्षीय विरेन्द्र बडायकहे प्रहरी भीमदत्त नगरपालिकाके भाँसीसे विफेक सकारे पक्राउ करल वडा प्रहरी कार्यालयके इन्चार्ज इन्स्पेक्टर यमबहादुर मल्ल बटैलै ।

इन्स्पेक्टर मल्लके अनुसार बडायक ईलाका प्रहरी कार्यालय बेलौरीमे लागुऔषध सम्बन्धी मुद्दा दर्ता हुके १९ साउनसे वडा प्रहरी कार्यालय महेन्द्रनगरके हिरासतमे रहिट । थुनुवा हिरासत कक्षके बाथरुमके भेन्टिलेसन तुरके भागल बडायकहे खोज्न २ दर्जन ढेर प्रहरी परिचालन कैगिल रहे ।