प्रहरीसे लागु औषध विरुद्व महाअभियान
पहुरा ससमाचारदाता
धनगढी, १६ भदौ । सुदूरपश्चिम प्रदेश प्रहरी कार्यालय धनगढी कैलाली लागु औषध विरुद्व महाअभियानहे तिब्रता डेले बा ।
लागु औषध दुरुपयोगके समस्या प्रतिदिन तिव्र रुपमे बह्रटी गैल ओरसे यिहीसे किशोर किशोरी प्रभावित हुई पुगल ओरसे यकर न्यूनिकरण कैना “लागु औषध विरुद्वके महाअभियान,२०८०” हे तिब्रता डेहल हो ।
सुदूरपश्चिम प्रदेश प्रहरी कार्यालय धनगढी,कैलालीके प्रहरी उपरीक्षक श्यामसिंह चौधरी कैलाली ओ कञ्चनपुरमे लागु औषध प्रयोग बह्रल कहटी विद्यालमे लागु औषध विरुद्वके महाअभियानहे तिव्रता डेहल बटैलै ।
शुकके रोज कैलाली जिल्लाके धनगढी उप–महानगरपालिका वडा नं.०३ त्रिभुवनचोकस्थित त्रिभुवन माध्यमिक विद्यालयमे सुदूरपश्चिम प्रदेश प्रहरी कार्यालय धनगढी,कैलालीके सहकार्य ओ समन्वयमे लागू औषध नियन्त्रण सम्बन्धी जनचेतनामूलक प्रशिक्षण डेहल प्रहरी उपरीक्षक चौधरी बटैलै । कार्यक्रमकोआयोजना गरिएको हो ।
लागु औषध सेवनकर्ता ओ प्रयोगकर्तामे स्कूले पह्रना किशोर किशोरी डेखल ओरसे लागु औषध विरुद्वके महाअभियानके क्रममे त्रिभुवनचोकस्थित त्रिभुवन माध्यमिक विद्यालयके कक्षा ११ ओ १२ मे अध्ययनरत छात्र, छात्रा करके ९१ जनहनके सहभागितामे प्रशिक्षण डेहल उहाँ बटैलै ।
कार्यक्रममे उपस्थित छात्र, छात्राहुकहने लागु औषध विरुद्धके महाअभियान,२०८० अन्तर्गत लागू औषधके परिचय, सेवनकर्तामे विल्गैना लक्षण, समग्र रुपमे पर्ना वृहत असर ओ कानूनी प्रावधानके विषयमे जनचेतनामुलक प्रशिक्षण प्रदान कैनाके साथे सहभागीसे लागूऔषध सम्बन्धी पुछल जिज्ञासाके सम्बोधन कैगिल बा । उ कार्यक्रममे विद्यालयके प्रधानाध्यापक सिताराम अवस्थीलगागत शिक्षकहुकनकेफे सहभागिता रहे ।
ओस्टेक करके “लागु औषध विरुद्वके महाअभियान,२०८०” अन्तरगत कैलालीके धनगढी उप–महानगरपालिका वडा नम्बर ५ हसनपुरस्थित ऐश्वर्य विद्या निकेतन माध्यामिक विद्यालयमे लागु औषध नियन्त्रण सम्बन्धी जनचेतनामूलक प्रशिक्षण सुदूरपश्चिम प्रदेश प्रहरी कार्यालय धनगढी कैलालीके प्रहरी नायव उपरीक्षक भरतबहादुर चौधरी डेले बटै ।
कक्षा ११ ओ १२ मे अध्ययनरत छात्र, छात्रा करके जम्मा १७८ जानेक उपस्थितीमे हुइल लागु औषध नियन्त्रण सम्बन्धी जनचेतनामूलक प्रशिक्षण कार्यक्रममे विद्यालयके प्राचार्य प्रेमनिधी ओझालगायत शिक्षकह्ुकनकेफे सहभागिता रहल रहे ।
