एन प्याव्सनके धनगढी नगर अध्यक्षमे टिएन ढकाल
पहुरा समाचारदाता
धनगढी, १६ भदौ । राष्ट्रिय नीजि तथा आवसिय विद्यालय एशोसियशन नेपाल (नेशनल प्याब्सन) धनगढी नगर कार्यसमितिके अध्यक्षमे टिएन ढकाल निर्वाचित हुइल बटै ।
नेशनल प्याब्सनके शनिच्चरके रोज हुइल टिसरा अधिवेशनसे धनगढी नगर कार्यसमितिके निर्विरोध नयाँ कार्यसमिति निर्वाचित हुइल हो । समितिके उपाध्यक्षमे नरेन्द्र गिरी, सचिवमे रमेश विक ओ कोषाध्यक्षमे कैलाश चौधरी निर्वाचित हुइल बटै । ओस्टेक करके सदस्यमे महेश जोशी, गिरीराज भट्ट ओ धानु ढकाल रहल बटै ।
ओस्टेक करके उहीसे आघे एनप्याब्सनके टिसरा अधिवेशन केन्द्रीय सचिव धर्मराज रेग्मीके प्रमुख आतिथ्यमे उदघाटन समारोह कार्यक्रम हुइल रहे । कार्यक्रममे एन प्याब्सनके सुदूरपश्चिम प्रदेश अध्यक्ष दिपक बम, कोषाध्यक्ष खेमराज कोइराला, जिल्ला अध्यक्ष राजेन्द्र चापागाई लगायत पहुनाके सहभागिता रहल रहे ।
कार्यक्रम राष्ट्रिय नीजि तथा आवसिय विद्यालय एशोसियशन नेपाल (नेशनल प्याब्सन) धनगढी नगर कार्यसमितिके निवर्तमान अध्यक्ष सुनिल सुवेदीके अध्यक्षतामे हुइल रहे ।
