लागू औषध चरेशसहित चार जाने पक्राउ

पहुरा समाचारदाता
धनगढी, १९ भदौ । कैलालीके घोडाघोडी न.पा.५ देउकलियास्थित भिटर सडक खण्डसे १ किलो ३०० ग्राम लागु औषध चरेश सहिट चार जाने पक्राउ परल बटै ।

घोडाघोडी न.पा.१० बैठना बर्ष ४८ को नर बहादुर घिमिरे, बर्ष ३१ के थानेश्वर घिमिरे, कंचनपुर जिल्ला भीमदत्त न.पा.१ बैठना बर्ष २९ के सागर पौडेल ओ कृष्णपुर नगरपालिका १ बैठना बर्ष ३६ के चन्द्र नेपालीहे सोम्मार रात प्रहरी पक्राउ करल हो ।

सुदूरपश्चिम प्रदेश प्रहरी कार्यालय धनगढी ओ ईलाका प्रहरी कार्यालय सुखड,कैलालीसे खटके गैल संयुक्त प्रहरी टोली शंका लागके चेकजाँच करेबेर ओइन थेनसे उ पदार्थ फेला पारके ओइनथेन रहल मोटरसाईकल थान १ सहित चारु जनहनहे प्रहरी पक्राउ करल हो । यी सम्बन्धमे प्रहरीसे थप अनुसन्धान करटी रहल बा ।