लागू औषध सहित तीन जाने पक्राउ

पहुरा समाचारदाता
धनगढी, २० भदौ । कैलालीके गोदावरी न.पा.३ चौकीडाँडासे ६० मिलिग्राम लागु औषध खैरो हेरोईन सहित बर्ष १८ के कृष्ण रावतहे बुधके दुपहर प्रहरी पक्राउ करले बा । बिशेष सूचनाके आधारमे ईलाका प्रहरी कार्यालय मालाखेती कैलालीसे खटके गैल प्रहरी टोली चेकजाँच करेबेर ओइनके थेनसे उ पदार्थ फेला पारके पक्राउ करल हो ।

ओस्टेक करके कैलाली, गोदावरी न.पा. १ भरतपुरसे ७४० मिलिग्राम लागु औषध खैरो हेरोईन सहित बर्ष २२ के नरेश चौधरी ओ धनगढी उप–महानगरपालिका ११ बैठना बर्ष २७ के अर्जुन चौधरीहे बुधके दुपहर प्रहरी पक्राउ करल हो ।

बिशेष सूचनाके आधारमे ईलाका प्रहरी कार्यालय मालाखेती कैलालीसे खटके गैल प्रहरी टोली नरेश चौधरीके घर चेकजाँच करेबेर उ पदार्थ फेला पारके बरामद करके दुनु जनहनहे पक्राउ करल हो । यी सम्बन्धमे प्रहरी थप अनुसन्धान करटी रहल बा ।