उत्कृष्ट काम करुइया १७ कर्मचारी पुरस्कृत

पहुरा समाचारदाता
धनगढी, २२ भदौ । निजामती सेवा दिवसमे उत्कृष्ट काम करुइया सुदूरपश्चिमके १७ जाने कर्मचारी पुरस्कृत हुइल बाटै । सुदूरपश्चिम प्रदेश सरकारसे उत्कृष्ट काम करल कर्मचारीहे दिवसके अवसरमे पुरस्कृत करल हो ।

पुरस्कृत हुउइया कर्मचारीमे प्रदेश जनस्वास्थ्य प्रयोगशालाके ल्याव टेक्निसियन कृष्ण गौतम, कैलाली जिल्ला अदालतके कार्यालय सहयोगी धौली केसी, स्वास्थ्य कार्यालय कैलालीके पब्लिक हेल्थ नर्स निरीक्षक आशा थापा, हेभी इक्युपमेन्ट डिभिजन कार्यालय गोवादरीके मेकानिक प्रेम सिँह लुहार, जिल्ला हुलाक कार्यालय कैलालीके हल्कारा देवलाल चौधरी रहल बाटै ।

ओस्टके, आन्तरिक राजश्व कार्यालय कैलालीके नासु वासुदेव जोशी, पशु सेवा तालिम केन्द्र धनगढीके अधिकृत गोरखबहादुर खड्का, जिल्ला प्रशासन कार्यालय कैलालीके नासु टिकेन्द्र प्रसाद भट्ट, प्रदेश निर्वाचन कार्यालयके नासु खेमराज भट्ट, सामाजिक विकास कार्यालय बझाङके शाखा अधिकृत विरबहादुर धामी, कृषि ज्ञान केन्द्र दार्चुलाके अधिकृत चन्द्रबहादुर ठगुन्ना, खानेपानी तथा सरसफाइ डिभिजन कार्यालय कैलालीके कम्प्युटर अधिकृत जयबहादुर मल्ल, आन्तरिक मामिला तथा कानून मन्त्रालय, धनगढीके कानून अधिकृत लक्ष्मण प्रसाद जोशी, आर्थिक मामिला मन्त्रालयके कम्प्युटर अधिकृत ललिता देउपाल, डिभिजन वन कार्यालय डडेल्धुराके फरेष्टर खगेन्द्र राज पाध्या ओ मुख्यमन्त्री तथा मन्त्रिपरिषदके कार्यालयके कार्यालय सहयोगी योगेन्द्रबहादुर ऐर पुरस्कृत हुइल हुइट ।

उहाँहुक्रनहे मुख्यमन्त्री कमलबहादुर शाही नगद, दोसल्ला ओ प्रमाण पत्रसे सम्मान करल रहिट । धनगढीमे शुकके सुदूरपश्चिम प्रदेश सरकार ओ संघीय सरकार मातहतके कार्यालयसे संयुक्त रुपमे निजामती सेवा दिवस मनाइल रहे ।