थाकस कैलारीके दुसरा अधिवेशन

सभापतिमे फेरसे अशोक चौधरी

पहुुरा समाचारदाता
हसुलिया, २२ भदौ । थारु कल्याणकारिणी सभा कैलारी गाउँपालिकाके दुसरा अधिवेशन शुकके रोज हसुलियामे सम्पन्न हुइल बा ।

कैलारी गाउँपालिकाके उपाध्यक्ष भगवतीकुमारी चौधरीके वडका पहुनामे हुइल कार्यक्रममे थारु कल्याणसभाके केन्द्रीय सदस्यद्वाय रामचरण चौधरी, इन्दु चौधरी, केन्दीय पार्सद पुरन प्रसाद चौधरी, कार्यवाहक जिल्ला सभापति माधव थारु विशिष्ट पहुना रहल रहिट ।

कार्यक्रममे बोल्टी वडका पहुना गाउँपालिका उपाध्यक्ष भगवतीकुमारी चौधरी हम्रे हक अधिकारके लाग सक्कु जाने एकजुट लागे पर्ना बटैली । उहाँ कहली, अधिकार मग्ना ठाउँमेफे हम्रे पार्टी रुपमे विभाजित हुजैठी, आब साझा मुद्दाके लाग पार्टीसे उप्पर हुके आवाज उठैना दिन हो । साझा मुद्दामे फुटगैलेसे कोईफे विश्वास नइकैना ओरसे मुद्दा उठानके लाग एकजुट हुइनाके विकल्प नइरहल उहाँ बटैली ।

दुसर अधिवेशनमे सभाके अजीवन सदस्यहुक्रे गौरीशंकर चौधरी, होरीलाल चौधरी, नेपालु चौधरी, सोनुराम चौधरी, रमेश चौधरी, माया चौधरी, कैलारी गाउँपालिकाके वडा–२ के वडा अध्यक्ष विकास चौधरी, वडा नम्बर ३ के वडा अध्यक्ष सन्तराम चौधरी, वडा नम्बर ४ वडा अध्यक्ष ठागुराम चौधरी, वडा नम्बर ५ क वडा अध्यक्ष विष्णु प्रसाद चौधरी, वडा नम्बर ८ वडा अध्यक्ष तारामल कठरिया, वडा नम्बर ७ के कार्यवाहक अध्यक्ष सुन्दरी चौधरी, वडा नम्बर ९ वडा अध्यक्ष खेमराज चौधरीलगायतके पहुना रहल रहिट ।

थारु कल्याणकारिणी सभा कैलारीके सभापति अशोक चौधरीके अध्यक्षतामे हुइल कार्यक्रमे प्रत्येक वडासे १० जाने प्रतिनिधि ओ वडा समितिके प्रतिनिधिहुकनके सहभागिता रहल रहे । कार्यक्रमके संचालन सचिव नितेन चौधरी करल रहिट ।

ओस्टेक करके शुकके रोज हसुलियामे हुइल दुसरा गाउँपालिका स्तरीय अधिवेशनसे अशोक कुमार चौधरीके सभापतित्वमे लौव कार्यसमिति सर्व सहमतसे चयन करल हो । कार्यसमितिके उपसभापतिमे मनिषा चौधरी, आशादेवी चौधरी, जगलाल डगौराथारु रहल बटै । समितिके सचिवमे रामसमझ चौधरी, सहसचिवमे लक्ष्मण प्रसाद चौधरी, कोषाध्यक्षमे अनिता चौधरी रहल बटै । ओस्टेक करके सदस्यमे रमेशी कुमारी चौधरी, खगेन्द्र प्रसाद चौधरी, अनारकली चौधरी, लाल बहादुर चौधरी विर प्रसाद चौधरी, सन्जुदेवी चौधरी रहल बटै । ओस्टेक और सदस्यमे मोहनलाल चौधरी, नरिता चौधरी, हरिद्वारी चौधरी, विरेन्द्र चौधरी, आरतीदेवी चौैधरी, मायाकमुारी चौधरी, सुमनदेवी चौधरी रहल बटै ।

ओस्टेक जिल्ला पार्सदमे बतासु चौधरी, युवराज राना, लवारी डगौराथारु, सुस्मिता चौधरी, जयराम चौधरी, रामकृष्ण चौधरी, बनसराम चौधरी, भागीराम चौधरी, गीतादेवी चौधरी, सुनिता चौधरी रहल बटै । क्षेत्रीय पार्सदमे तुल्सी चौधरी, केदार चौधरी ओ अशोक चौधरी रहल बटै ।