सेती प्रादेशिक अस्पतालमे पानी पैठलपाछे विमारीहुकनके विजोग
पहुरा समाचारदाता
धनगढी, ८ कुवाँर । सुदूरपश्चिम प्रदेशके सबसे भारी अस्पताल सेती प्रादेशिक अस्पतालके पुरान भवनमे पानी पैठलपाछे विमारीहुकनके महाविजोग हुइल बा । सोम्मार सकारे ६ बजेओर बरसल बरसौन्धी पानी पेललपाछे पुरान भवनमे रहल विमारीहुकनके विजोग हुइल हो ।
उ अस्पतालमे आफन्तके विरुवा कराई आइल कैलारी गाउँपालिका–४ के रामपति चौधरी पानी पेललपाछे महाविजोग हुइल बटैली । ओस्टेक कञ्चनपुर जिल्ला बेलौरी नगरपालिका–८ पँचुइके उमेश डगौराफे डेलिभरीके आइल रहिट । उहाँ कहलै, भर्खर एक दिनिक बर्ष हुइल बा । अस्पतालमे पानी पेललपाछे कर्रा हुइल बटैलै ।
सेती प्रादेशिक अस्पतालके पुरान भवन जिर्ण अवस्थामे बा । जौन भवनके गाइने वार्ड बा । लर्का जल्मैनासे, छोट छोट बच्चा ढरना करल बा । एक तल्ले अस्पतालमे पुरान भवनके सारा कोठामे करिब ठेहुनसम पानी भरके विरुवाफे सारा भिजल बा ।
ओस्टेक करके सुदूरपश्चिम प्रदेशके प्रदेशसभा, एलएन चोकफे डुबल बा ।
