हार्डवेयर एक्सपो आजसे सुरु (फोटो फिचर)

पहुरा समाचारदाता
धनगढी, १० कुवाँर । व्यापार व्यवसाय प्रवर्द्धन कैके प्रयोगकर्ताहुकनहे गुणस्तरीय निर्माण सामाग्री छनौट कैना सचेतना प्रदान कैना उद्देश्यसे आयोजना करल हार्डवेयर एक्सपो आजसे धनगढीमे सुरु हुइल बा । उत्पादक–व्यापारी–प्रयोगकर्ताबिच त्रिपक्षीय अन्तरक्रियाक माध्यमसे हार्डवेयर एक्स्पोसे व्यवसाय प्रवर्द्धन कैना बताइल बा ।

एक्स्पो अवलोकन करे अइना आमनागरिकहे निर्माण सामग्रीबारे विज्ञमार्फत जानकारी डेना आयोजक कैलाली हार्डवेयर व्यवसायी संघ जनैले बा । संघक अध्यक्ष कुबेर शाही एक्स्पोम निर्माण तथा हार्डवेयर सामग्रीसंग सम्बन्धित करिब ५५ ठो स्टल निर्माण करल बटैलै ।

हार्डवेयर तथा निर्माण सामग्री उत्पादक कम्पनीहुँक्रे स्टल बुकिङ कैके स्टलमे निर्माण सामाग्री ओ ओकर विषयमे जानकारी धारसेकल उहाँ जनैलै । अवलोकनकर्तासे निर्माण तथा हार्डवेयरसंग सम्बन्धित सक्कु सामग्री एक्के छानाटरे अवलोकन कैके उ सामग्रीबारे जानकारी लेहे पैना संघके अध्यक्ष शाही जनैलै । हार्डवेयर एक्सपो कुवाँर १४ गतेसम संचालन रना उहाँ जनैलै ।