प्रदेशस्तरमे कानून नीति ओ बजेट विश्लेषणबारे कार्यशाला
पहुरा समाचारदाता
धनगढी, १२ कुवाँर । प्रदेशस्तरमे कानून नीति खने बजेट विश्लेषणके निस्कर्ष अनुभव आदानप्रदान तथा पैरवी योजना सम्बन्धी कार्याशाला प्रदेश सरकारके प्रतिनिधि, प्रदेशसभाके सदस्य ओ सरोकारवालाहुकनके शुकके रोज सम्पन्न हुइल बा ।
राष्ट्रिय अपांग महासघ नेपाल सुदुरपश्चिम प्रदेशके आयोजना ओ सिबिएम ग्लोबलके सहयोगमे उ कार्यक्रम हुइल हो । सुदूरपश्चिम प्रदेशसभा सामाजिक विकास समितिके सदस्य तुल्सी देवकोटाके वडका पहुनामे हुइल कार्यक्रममे विशिष्ट पहुना सुदूरपश्चिम प्रदेशसभा लेखा समिति सदस्य सन्तोषकुमारी शर्मा थापा रहल रहिट ।
उ कार्यक्रममे आन्तरिक मामिला तथा कानुन मन्त्रालयके सचिव लक्ष्मीराज जोशी, प्रदेश योजना आयोगके सचिव पदमराज जोशी, आर्थिक मामिला मन्त्रालयके अधिकृत माधवप्रसाद जोशी, अपांगता अभियानकर्मी भीमबहादुर शाह, उपेन्द्र खडायत, रुपारानी राई लगायत ३४ जनेक रहे रहल रहे ।
सुदूरपश्चिम अपांग महासघके प्रदेश सचिव नन्दराज भट्टके सभापतित्वमे हुइल कार्यक्रममे उहाँ सहजीकरणफे करल रहिट । उ कार्यशाला गोष्ठीमे सुदूरपश्चिम प्रदेश सरकारके खेलकुद ऐन २०७६ नियमावली २०७७ ओ कार्यबिधी २०७९ मे अपांगता सवालमे गहन छलफल हुके प्रदेश सरकारसे ओम्ने संशोधन करे पर्ना बुदाके टिपोट करल रहे । कलेसे प्रदेश स्वरोजगार ऐन २०७५ नियमावली २०७७ ओ कार्यविधी २०७८ उप्पर दफावार टिपोट करके कानुन संशोधनके लाग प्रदेश सरकारहे बुझैले बा कलेसे सक्कु सरोकारवालाके प्रतिवद्धतासहित कानून संशोधनके प्रतिबद्धतापत्र समेत तयार पारल बा ।
