बाबक हत्या अभियोगमे पक्राउ

पहुरा समाचारदाता
धनगढी, १२ कार्तिक । अपने बावक ४५ वर्षीय हिरासिंह चौधरीके हत्या करल अभियोगमे जानकी गाउँपालिका–३ लाईकपुर चौधरी गाउँ बैठना २४ वर्षीय गणेश चौधरीहे शनिच्चर रात प्रहरी पक्राउ करले बा ।

अपने घरके आँगनमे घरायसी बिवादके क्रममे ढुङगा प्रहार करेबेर हिरा सिंहके घटनास्थलमे मृत्यु हुइल कना खबर प्राप्त हुइटीकी ईलाका प्रहरी कार्यालय टिकापुरसे खटल प्रहरी टोली गणेशहे पक्राउ करल हो । यी सम्बन्धमे प्रहरी थप अनुसन्धान करटी रहल बा ।