लागू औषधके समस्या विकराल

टमान ठाउँसे जाने १५ पक्राउ

पहुरा समाचारदाता
धनगढी, १६ कार्तिंक । यूवा पीढि लागु औधषके दलदलमे फस्टी गैल बटै । सुदूरपश्चिम प्रदेश प्रहरी कार्यालय धनगढीके डिएसपी भरत चौधरी यूवा लागू औषधमे फस्टी गैल ओरसे यिहीहे न्यूनिकरणके लाग अभिभावक, नागरिक समाज लग्ना बटैले बटै ।

उहाँ कहलै, दुव्यर्सनीमे लागल यूवाहुकनहे पक्राउ कैना, सुधार कैना प्रहरीके केल काम नइहो । प्रहरीके एकल प्रयाससे सम्भव नइहो । यिहीहे रोकेक लाग सक्कु ओरसे लग्ना जरुरी बा ।’ सुदूरपश्चिममे दैनिक ५÷६ जाने पक्राउ परटी रहल उहाँ बटैलै । सुदूरपश्चिम प्रदेश प्रहरी कार्यालय लागु औषध दुव्र्यशनी नियन्त्रणके लाग महाअभियानफे संचालन करल बटैलै ।

प्रहरीसे सुदूरपश्चिम लगायत टमान ठाउँसे १५ पक्राउ करले बा । धनगढी उपमहानगरपालिका–३ त्रिनगर व्यारेल लग्गेसे अवैध लागूऔषध ब्राउनसुगर १ ग्राम ८ सय ६० मिलिग्रामसहित बैतडी शिगास गाउँपालिका–९ बैठना २४ वर्षीय सन्दिप चन्द समेत २ जनहनहे बुधके दुपहर प्रहरी पक्राउ करले बा । विशेष सूचनाके आधारमे खटल प्रहरी ओइनहे उ ब्राउनसुगरसहित पक्राउ करल हो ।

कञ्चनपुर जिल्ला बेलौरी नगरपालिका–८ पचुई इँटाभट्टासे अवैध लागूऔषध खैरो हेरोइन ५ ग्राम ७० मिलिग्रामसहित उहे नगरपालिका–६ हात्तीबोझा बैठना २९ वर्षीय जयराम रानाहे बुधके रात प्रहरी पक्राउ करले बा । ईलाका प्रहरी कार्यालय बेलौरीसे खटल प्रहरी उहाँहे उ पदार्थसहित पक्राउ करल हो ।

बाँके जिल्ला खजुरा गाउँपालिका–२ एल गाउँसे अवैध लागूऔषध ब्राउनसुगर ३ सय ३० मिलिग्रामसहित उहे ठाउँ बैठना ३० वर्षीय अनुप सुनार समेत ५ जनहनहे बुधके साँझ प्रहरी पक्राउ करले बा । ईलाका प्रहरी कार्यालय धनौली ओ प्रहरी चौकी राधापुरसे खटल प्रहरी ओइनहे उ पदार्थसहित पक्राउ करल हो ।

बर्दिया जिल्लाके गेरुवा गाउँपालिका–३ शान्तिबजारसे अवैध लागूऔषध ब्राउनुसगर १ ग्राम ५ सय ३० मिलिग्रामसहित उहे गाउँपालिका–२ बैठना २३ वर्षीय अमित चौधरी समेत २ जनहनहे बुधके साँझ प्रहरी पक्राउ करले बा । ईलाका प्रहरी कार्यालय पाताभारसे खटल प्रहरी ओइनहे उ पदार्थसहित पक्राउ करल हो ।

उदयपुर जिल्ला चौदण्डीगढी नगरपालिका–९ भिमा मोहरीया चोकस्थित किराना पसलसे अवैध लागूऔषध खैरो हेरोइन ८१ ग्राम ५ सय ५० मिलिग्रामसहित सुनसरी ईनरुवा नगरपालिका–६ बैठना ४५ वर्षीय सलिम मिया समेत २ जनहनहे बुधके दुपहर प्रहरी पक्राउ करले बा । जिल्ला प्रहरी कार्यालय उदयपुरसे खटल प्रहरी ओइनहे उ पदार्थसहित पक्राउ करल हो । साथे ओइने प्रयोग करल को.२८ प ४९६८ नम्बरके मोटरसाइकल समेत प्रहरी बरामद करले बा ।

बारा जिल्ला जितपुरसिमरा उपमहानगरपालिका–१ पथलैया चोकसे अवैध लागूऔषध गाँजा १ किलो ४ सय ग्रामसहित भारत मोतिहारी रक्सौल बैठना ४० वर्षीया सरिता देवीहे बुधके रात प्रहरी पक्राउ करले बा । प्रहरी चौकी पथलैयासे खटल प्रहरी वीरगंजओर जैटी रहल ना.६ ख ९५३७ नम्बरके बसमे सवार उहाँहे उ गाँजासहित पक्राउ करल हो ।

चितवन, भरतपुर महानगरपालिका–१७ गाजिपुरसे अवैध लागूऔषध खैरो हेरोइन करिब ५ ग्राम, नापतौल कैना मेसिन १ थान, नगद २८ हजार २ सय ३५ रूपैयाँ, १ हजार भारतीय रुपैयाँ ओ बैंकके चेक ३ थानसहित उहे ठाउँ बैठना २८ वर्षीय रोशन तामाङ समेत २ जनहनहे बुधके साँझ प्रहरी पक्राउ करले बा । ईलाका प्रहरी कार्यालय फुलबारीसे खटल प्रहरी ओइनहे पक्राउ करल हो ।
सक्कु घटनाके सम्बन्धमे प्रहरी आवश्यक अनुसन्धान करटी रहल बा ।