भिरसे गिरके मृत्यु

पहुरा समाचारदाता
बैतडी, १६ कार्तिक । बैतडी जिल्ला डिलासैनी न.पा. ४ फलेडी बैठना वर्ष २७ के गोमा नेगीके भिरसे गिरके मृत्यु हुइल बा ।

पुर्चौडी न.पा. १ कोपिखेत बैठना अपने गोसियक दिदी (जेठी सासु) नाता पर्ना जानकी धानुकके घरमे घरायसी काममे सहयोग करे गैल पुर्चौडी न.पा.१ नेटा स्थित खर कटना क्रममे बुधके दुपपहर भिरसे गिरके गम्भिर घाहिल हुके पुर्चौडी स्वास्थ्य चौकीमे उपचार पश्चात थप उपचारके लाग धनगढी लैजैना क्रममे उहे रात डगरमे मृत्यु हुइल कहिके डडेल्धुरा अस्पताल डडेल्धुरा मृत घोषणा करल हो । यी सम्बन्धमे प्रहरी आवश्यक अनुसन्धान करटी रहल बा ।