महिलाहुकनके लाग उद्यमशिलता विकास तालिम सुरु
पहुरा समाचारदाता
हसुलिया, ७ अगहन । कैलारी गाउँपालिकाके आयोजनामे महिलाहुकनके लाग आठ दिने उद्यमशिलता विकास तालिम विफेक रोजसे सुरु हुइल बा ।
कैलारी गाउँपालिकाके गरिबी निवारणके लाग लघु उद्यम विकास कार्यक्रम मेड्पा अन्तर्गत ८ दिने उद्यमशीलता विकास तालिम कैलारी गाउँपालिका वडा नं ३ ओ १ के सम्भावित लघु उद्यमीहुकन तालिम डेजैटी रहल बा ।
कैलारी गाउँपालिका वार्ड नं ३ के वडा अध्यक्ष सन्तराम चौधरीके अध्यक्षतामे सुरु हुइल तालिमके संचालन कैलारी गाउँपालिकाके गरिबी निवारणके लाग लघु उद्यम विकास कार्यक्रम मेड्पा प्रदीप चौधरी करल रहिट ।
तालिम उदघाटनमे वडा सदस्य कृष्ण प्रसाद चौधरी, पार्वती विक, सैतुराम चौधरीलगायत उपस्थिति रहल रहे । तालिममे ३० जाने महिलाहुकनके सहभागिता रहल बा । आर्थिक समृद्धिके आधार, लघुउद्यम मार्फत रोजगार कना नारा लेके सुरु हुइल उ तालिममे उद्यमशिलता विकास, व्यवसाय सचेतना, व्यवसाय सुरु, लैङिक सामाजिक समावेशिकरण सम्बन्धी जानकारी डेना बा ।
