३२ औं अन्तर्राष्ट्रिय अपाङगता दिवस मनाइक लाग समिति गठन
पहुरा समाचारदाता
धनगढी, ९ अगहन । ३२ औं अन्तर्राष्ट्रिय अपाङगता दिवस मनाइक लाग टमान समिति गठन करल बा ।
सुदूरपश्चिममे तीन दिनसम भव्यताके साथ मनाइक लाग धनगढी उप महानगरपालिका नगर उप– प्रमुख कन्दकला कुमारी रानाके अध्यक्षतामे बैठल बैठकसे राष्ट्रिय अपाङगता महासंघ सुदूरपश्चिम प्रदेश अध्यक्ष मानबहादुर साउदके सयोजकत्वमे १७ सदस्यीय दिवस मुल समारोह समिति गठन करल हो ।
उ कार्यक्रमके खर्च व्यवस्थापन, समन्वयके लाग सरकारी गैरसरकारी तथा नीजि ओ व्यवसायिक क्षेत्रसंग सहकार्य कैना अपाङगता अभियानकर्मी भीमबहादुर शाहके संयोजकत्वममे ९ सदस्यीय व्यवस्थापन समिति बनाइल बा ।
कार्यक्रमके प्रचार प्रसार करके अगहन १५ गते साझ पत्रकार भेटघाटके आवश्यक व्यवस्थापन कैना पत्रकार भवनी ऐरहे जिम्मेवारी डेहल बा ।
दिवसके अवसरमे अपाङगता रहल युवाहुकनहे आय आर्जन ओ रोजगारीसंग जोरना सीपयुक्त युवाहुकनके दक्षता ओ क्षमता प्रदर्शनीसहित सरकारी गैरसरकारी ओ नीजि तथा प्राईभेट क्षेत्रके उद्योगी व्यावसायीहुकनहे आमन्त्रण ओ रोजगारी सृजना कैना अनुरोध कैनाके साथे स्टल निर्माण करके अपन सीप कला ओ दक्षता प्रदर्शन कैना उद्देश्यसे अगहन १६ ओ १७ गते २ दिने अपाङगता युवा उद्यमशिलता स्वरोजगार महोत्सवके आयोजना कैना निर्णय हुइल महासघके महासचिव नन्दराज भट्ट जानकारी डेलै ।
उ अवसरमे अपाङता नागरिकहे रोजगारी डेटी रहल व्यक्तित्वहे सम्मान तथा थप रोजगारी सृजनाके लाग सक्कु पक्षसंग आग्रह ओ प्रतिवद्धता संकलन कैना उहाँक कहाई बा । साथे उ कार्यक्रम सम्पन्न करेक लाग राष्ट्रिय अपाङ महासघ नेपाल सुदूरपश्चिम प्रदेशसे २५ हजार रुप्या, परिलक्षित सस्थासे १५ हजार रुप्या ओ राष्ट्रिय मानसिक स्वस्थ्य स्वावलम्वन केन्द्र कोशिससे ५ हजार रुप्या सहयोग कैना प्रतिबद्धता बैठकमे करल रहिट ।
