कैलारीमे लैङिक हिंसा विरुद्धके १६ दिने अभियान अन्तरगत प्रभातफेरी

पहुरा समाचाररदाता
हसुलिया, १० अगहन । लैङिक ंिहसा विरुद्धके १६ दिने अभियान अन्तरगत कैलारीमे प्रभातफेरी कार्यक्रम कैगिल बा ।

लैङिक हिंसा अन्त्य सुनिश्चितता, महिला ओ बालबालिकामे लगानीके ऐक्यवद्धता कना मुल नाराके साथ यिहे अगहन ९ गतेसे २४ गतेसम हुइटी अभियानके क्रममे कैलारी गाउँपालिका महिला तथा वालबालिका शाखाके आयोजना तथा गाउँपालिकामे टमान गतिविधि संचालन करटी संस्था, विद्यालयके सहकार्यमे बजार परिक्रमा करटी प्रभातफेरी कार्यक्रम कैगिल हो ।

प्रभातफेरी कार्यक्रमपाछे सम्बोधन करटी गाउँपालिका उपाध्यक्ष भगवतीकुमारी चौधरी लैङिक हिंसा न्यूनिकरण कुहीहे कोईफे करे नइहुइना बटैली । महिला हिंसा घरपरिवारसे लेके समाजमे हुइटी रहल ओरसे कहु ंिहसा हुइल कलेसे ओकर शसक्त प्रतिकार कैना आवश्यक रहल बटैली । महिला डिडीबाबु घरमे ंिहसा सहिके बैठल ओरसे ंिहसा सहिके बैठलेसे समस्याके समाधन नइहुइल ओरसे न्यायिक समितिमे सम्पर्क कैना आग्रह करली ।

कार्यक्रममे कैलारी गाउँपालिका वडा नम्बर ५ के वडा अध्यक्ष विष्णु प्रसाद चौधरी लैङिक हिंसा मुक्त समाज बनाइक लाग महिला पुरुष लागे पर्ना बटैलै । ओरेक नेपालके कैलारी गाउँपालिका सहजकर्ता विष्णु रेग्मी सचेतना मुलक अपन प्रस्तुती करल रहिट ।

कार्यक्रमके सचालन कैलारी गाउँपालिका महिला तथा वालबालिका शाखा प्रमुख बालकुमारी चौधरी करल रहिट । प्रभातफेरी कार्यक्रममे वडा नम्बर ४ के वडा अध्यक्ष ठागुराम चौधरी, टमान संघ संस्थाके प्रतिनिधि, टमान विद्यालयके विद्यार्थीहुकनके सहभागिता रहल रहे ।

लैङिक ंिहसा विरुद्धके १६ दिने अभियान कैलारी गाउँपालिकाके टमान वडामे मेरमेराइक कार्यक्रमके आयोजना करटी मनाजैटी रहल बा ।